بھارتی ریاست جھاڑ کھنڈ کے ضلع کھونٹی میں عجیب واقعہ پیش آیا جب ایک شخص کی ’تدفین‘ ہوجانے کے بعد اچانک ایک دن وہ اپنے گھر پہنچ گیا جس سے گھر والے پہلے حیران اور پھر خوش ہوگئے۔
یہ بھی پڑھیں: ’بیوی زندہ ہے مگر نادرا نے مردہ قرار دے دیا‘، شہری وزیر داخلہ محسن نقوی کے سامنے پھٹ پڑا
بھارتی میڈیا کے مطابق وشرام مندا چند دن تک لاپتا رہنے کے بعد تقریباً 70 کلومیٹر دور رام گڑھ سے اچانک گھر واپس پہنچا لیکن اس وقت تک ’بہت دیر‘ ہوچکی تھی کیوں کہ اس کے گھر والے اس کو ’دفنا‘ چکے تھے۔
پولیس حکام کے مطابق خاندان کی طرف سے کی گئی تدفین اس غلط فہمی کی وجہ سے ہوئی کہ پولیس نے جو لاش برآمد کی تھی اسے کچھ عرصے سے لاپتا وشرام کی لاش سمجھ بیٹھے تھے۔ اس کے خاندان نے لاش کی آخری رسومات ادا کر دی تھیں۔
کھونٹی کے سب ڈویژنل پولیس افسر (ایس ڈی پی او) ورن راجک نے میڈیا کو بتایا کہ 45 سالہ وشرام جو پتراتولی گاؤں کے رہائشی 10 مئی کو ایک شادی میں شرکت کے لیے گھر سے نکلے تھے اور تب سے لاپتا تھے۔
پولیس افسر نے بتایا کہ اہلخانہ نے وسیع پیمانے پر وشرام کی تلاش کی لیکن وہ نہیں ملے۔ ایک دن بعد پولیس نے ایک نامعلوم لاش نالی سے برآمد کی۔ اطلاع ملنے پر رشتے دار کھونٹی صدر اسپتال پہنچے اور اس لاش کو وشرام منڈا کی شناخت کر لیا۔
مزید پڑھیے: ‘مردہ’ شخص زندہ ہوکر نادرا دفتر پہنچ گیا، ‘ہر جگہ الرٹ آتا ہے کہ آپ مرچکے ہیں’
پولیس کے مطابق لاش کی قد کاٹھ، جسمانی ساخت اور چہرہ وشرام سے کافی مشابہت رکھتا تھا جس کی وجہ سے خاندان اور گاؤں کے لوگوں کو بھی مغالطہ ہوگیا۔
قانونی کارروائی مکمل کرنے کے بعد پولیس نے لاش کو خاندان کے حوالے کر دیا اور انہوں نے روپیٹ کر ’اپنے‘ پیارے کی لاش قبائلی روایات کے مطابق بڑے اہمتام سے دفنادی۔
تدفین کے چند دن بعد وشرام اچانک اپنی بیٹی کے گھر پہنچ گئے جس پر پہلے تو رشتے دار تھوڑا خوف و حیرت کا شکار ہوئے اور پھر جب عقدہ کھلا تو ان میں خوشی کی لہر دوڑ گئی۔ وشرام نے بتایا کہ وہ کسی کو بتائے بغیر رام گڑھ گئے تھے۔
مزید پڑھیں: مردہ قرار دی گئی خاتون 2 گھنٹے بعد زندہ ہوگئی
پولیس اب ڈی این اے ٹیسٹ کے عمل کے ذریعے لاش کی صحیح شناخت کے لیے قبر کشائی میں مصروف ہے۔
