ادارہ شماریات نے مہنگائی کے ہفتہ وار اعداد و شمار جاری کر دیئے ہیں جس کے مطابق مہنگائی کی شرح 34.49 فیصد ریکارڈ کی گئی ہے۔
ادارہ شماریات کے مطابق ایک ہفتے میں مہنگائی کی مجموعی شرح میں 2.82 فیصد کا اضافہ ہوا، 32 اشیاء کی قیمتوں میں اضافہ جبکہ18 اشیاء کی قیمتوں میں استحکام رہا۔
ایل پی جی گھریلو سلنڈر کی قیمت میں 508 روپے تک کا اضافہ ہوا، پیٹرول اور ہائی اسپیڈ ڈیزل کی قیمتوں میں 35 روپے تک کا اضافہ ہوا۔
لہسن 66 روپے،دال ماش 15 روپے،دال مسور 10 روپے،دال مونگ 6 روپے، چاول 4 روپے، چینی 2 روپے 12 پیسے فی کلو مہنگی ہوئی،
ادارہ شماریات کے مطابق اڑھائی کلو برانڈڈ گھی 14 روپے تک مہنگا ہوا جبکہ زندہ مرغ کی فی کلو قیمت میں 17 روپے تک اضافہ ریکارڈ کیا گیا ہے۔
