گرین بسوں میں مفت سفر ختم کیا جائے، شہری کا وزیراعلیٰ پنجاب مریم نواز سے کرایہ 50 روپے مقرر کرنے کا حیران کن مطالبہ

کئی سوشل میڈیا صارفین نے شہری کے اس مطالبے سے اتفاق کیا ہے۔ زونیرہ اختر نامی صارفہ نے کہا کہ شہری نے بالکل درست بات کی ہے۔ ان کے مطابق بدقسمتی سے معاشرے میں اس بات کی آگاہی کم ہے کہ حکومت نے یہ سہولت ضرورت مند افراد کے لیے فراہم کی ہے اس لیے اگر معمولی کرایہ عائد کیا جائے تو بہتر ہوگا، تاہم مفت سروس کے باعث اس کا غیر ضروری اور غلط استعمال بڑھ گیا ہے جسے روکنے کی ضرورت ہے۔

صیح بات کی ہے اس شہری نے۔بدقسمتی سے ہمارے لوگوں کو اتنی اگاہی نہیں ہے کہ حکومت نے یہ سہولت ضرورت مندوں کیلیے فراہم کی ہے اسلیے تھوڑا کرایہ چارج کرے مگر یہ فری والا طریقہ بند کردے تاکہ اس سہولت کی غلط اور بے جا استعمال نہ ہو۔

— Zonaira Akhtar (@zonaira_girl) June 11, 2026

ایک اور صارف نے تجویز دی کہ 20 روپے کرایہ مناسب رہے گا۔ ان کے مطابق وزیراعلیٰ پنجاب نے سروس کو مفت کر کے ایک اچھا اقدام کیا تاہم مفت ہونے کی وجہ سے غیر ضروری سفر بڑھ گیا ہے اس لیے شہری کا مطالبہ کسی حد تک درست معلوم ہوتا ہے۔

دوسری جانب کئی صارفین نے اس مطالبے سے اختلاف بھی کیا ہے۔ ان کا کہنا ہے کہ یہ سہولت خاص طور پر مزدور طبقے اور روزانہ اجرت پر کام کرنے والے افراد کے لیے بڑی مدد ہے اور اس میں کسی بھی قسم کا کرایہ شامل کرنا کم آمدنی والے افراد کے لیے مشکلات پیدا کر سکتا ہے۔ بعض صارفین نے یہ بھی کہا کہ اس سہولت کو محدود کرنے کے بجائے بہتر انتظام اور نگرانی کی ضرورت ہے تاکہ مستحق افراد اس سے فائدہ اٹھا سکیں۔