وفاقی وزیر داخلہ محسن نقوی نے چیئرمین پی پی پی بلاول بھٹو کو منا لیا، اور اب چیئرمین پیپلز پارٹی نے بجٹ اجلاس میں شرکت کا فیصلہ کرلیا ہے۔
قبل ازیں چیئرمین پیپلز پارٹی بلاول بھٹو نے بجٹ اجلاس میں شرکت نہ کرنے کا فیصلہ کیا تھا۔
ترجمان پیپلز پارٹی کا کہنا تھا کہ بلاول بھٹو بجٹ اجلاس میں شریک نہیں ہوں گے، تاہم پیپلز پارٹی کے ارکان اسمبلی شرکت کریں گے۔
یہ سے قبل یہ خبر سامنے آئی تھی کہ بلاول بھٹو گلگت بلتستان میں حکومت سازی کے معاملے پر مسلم لیگ ن سے ناراض ہیں۔
صحافی کے سوال کے جواب میں بلاول بھٹو نے کہاکہ ہم گلگت بلتستان میں کسی کو اپنا مینڈیٹ نہیں چھیننے دیں گے۔
واضح رہے کہ گلگت بلتستان کے انتخابات میں پیپلز پارٹی اکثریتی جماعت بن کر سامنے آئی تھی، تاہم اب مسلم لیگ ن آزاد امیدواروں کو ساتھ ملا کر حکومت سازی کے لیے منصوبہ بندی کررہی ہے۔
