ای کامرس پلیٹ فارم دراز پاکستان نے داراز مال پر ایپل کی آفیشل فلیگ شپ اسٹور کا باضابطہ آغاز ک دیا ہے۔ یہ شراکت داری جی نیکسٹ ٹیکنالوجیز کے تعاون سے کی گئی ہے، جو پاکستان میں ایپل کی مجاز ڈسٹری بیوشن اور سروس نیٹ ورک سے وابستہ ہے۔
یہ بھی پڑھیں: ایپل 50 سال کا ہوگیا: سالگرہ پر ڈسکاؤنٹ آفرز، پاکستان میں کیا فائدہ ہوسکتا ہے؟
اس موقع پر کراچی میں دراز کے ہیڈ آفس میں ایک تقریب منعقد کی گئی، جس میں دونوں اداروں کے اعلیٰ نمائندوں نے شرکت کی۔
اس شراکت داری کے بعد صارفین اب دراز کے ذریعے اصل ایپل مصنوعات اعتماد کے ساتھ آن لائن خرید سکیں گے۔ یہ اقدام صارفین کے لیے مصنوعات کی اصلیت، مناسب قیمت، وارنٹی اور فروخت کے بعد خدمات سے متعلق خدشات کو کم کرنے کے لیے کیا گیا ہے۔
لانچ کے موقع پر منتخب مصنوعات کی خریداری پر 20 واٹ چارجر مفت دیا جا رہا ہے، جبکہ آئی فون 17 سیریز کے لیے مفت شپنگ اور اگلے روز ڈیلیوری کی سہولت بھی فراہم کی گئی ہے۔
یہ بھی پڑھیں: حکومتی مراعات: ایپل کمپنی پاکستان میں آئی فون تیار کرے گی
صارفین کو ایک سال کی ایپل وارنٹی کے ساتھ ایک اضافی سال کی ڈسٹری بیوٹر کی جانب سے فراہم کردہ وارنٹی بھی دستیاب ہوگی، جس سے مجموعی طور پر 2 سال کی وارنٹی کا فائدہ حاصل کیا جا سکے گا۔
اس کے علاوہ منتخب مصنوعات پر 14 فیصد تک رعایت، بہترین قیمت کی یقین دہانی اور بغیر منافع اقساط کی سہولت بھی دی جا رہی ہے۔
یہ فلیگ شپ اسٹور اب داراز مال پر دستیاب ہے، جہاں پاکستانی صارفین ایپل کی مختلف مصنوعات اور خصوصی پیشکشوں سے فائدہ اٹھا سکتے ہیں۔
