معروف امریکی اداکار جیانکارلو ایسپوسیتو نے سعودی عرب میں قیام کے دوران اسلام قبول کرلیا۔
عرب میڈیا کے مطابق جنرل انٹرٹینمنٹ اتھارٹی کے چیئرمین ترکی آل الشیخ نے بتایا ہے کہ ٹی وی سیریز بریکنگ بیڈ میں گس فرنگ کے کردار سے شہرت حاصل کرنے والے اداکار نے سعودی عرب میں قیام کے دوران اسلام قبول کرنے کا فیصلہ کیا۔
ترکی آل الشیخ کے مطابق اداکار کا یہ فیصلہ سعودی عرب میں اپنے قیام، مسلمانوں کے ساتھ روابط اور مثبت تجربات کے بعد سامنے آیا۔
View this post on Instagram
جیانکارلو ایسپوسیتو فلم اور ٹیلی ویژن انڈسٹری میں کئی دہائیوں سے کام کر رہے ہیں۔
انہیں مشہور ٹی وی سیریز بریکنگ بیڈ میں گس فرِنگ کے کردار سے عالمی شہرت ملی، جبکہ وہ بیٹر کال سال اور دی مینڈالوریئن جیسی معروف پروڈکشنز میں بھی اداکاری کر چکے ہیں۔
سوشل میڈیا پر سامنے آنے والی ایک ویڈیو میں جیانکارلو ایسپوسیتو کو ایک مسجد کے اندر پروڈکشن ٹیم کے دیگر ارکان کے ساتھ نماز ادا کرتے ہوئے دیکھا جا سکتا ہے۔
