عالمی شہرت یافتہ گلوکارہ ٹیلر سوئفٹ اور اداکارہ بلیک لائیولی کے درمیان ممکنہ صلح سے متعلق خبریں ایک بار پھر زیرِ بحث ہیں جب رپورٹس میں دعویٰ کیا گیا ہے کہ سوئفٹ نے اپنی متوقع شادی کے موقع پر لائیولی کو مدعو کیا ہے۔
ذرائع کے مطابق ٹیلر سوئفٹ نے مبینہ طور پر بلیک لائیولی سے ٹیلی فون پر رابطہ کیا ہے جسے دونوں کے درمیان سرد مہری کے بعد تعلقات بحال کرنے کی ابتدائی کوشش قرار دیا جا رہا ہے۔ اسی رابطے کے دوران انہیں 3 جولائی کو نیویارک کے میڈیسن اسکوائر گارڈن میں ہونے والی اپنی شادی کی دعوت بھی دی گئی۔
یہ بھی پڑھیں: کیا ٹیلر سوئفٹ اور ٹریوس کیلسی کی شادی کی تاریخ طے ہو گئی؟ نیویارک میئر ظہران ممدانی کا بیان زیرِ بحث
ذرائع کا کہنا ہے کہ دونوں شخصیات کے درمیان حالیہ رابطے محتاط مگر مثبت نوعیت کے ہیں اور آہستہ آہستہ اعتماد بحال کرنے کی کوشش کی جا رہی ہے۔ بعض اندرونی ذرائع کے مطابق لائیولی شادی میں شرکت کی خواہشمند ہیں کیونکہ وہ نہیں چاہتیں کہ وہ اس بڑے اور ہائی پروفائل ایونٹ سے باہر رہیں خاص طور پر اپنی عوامی ساکھ کے حوالے سے۔
تاہم تمام رپورٹس اس دعوے سے متفق نہیں ہیں۔ ایک اور رپورٹ کے مطابق سوئفٹ اور لائیولی کے درمیان صلح کی کوئی فون کال والی گفتگو نہیں ہوئی۔ ان ذرائع کے مطابق ایسی خبریں کہ دونوں نے حالیہ قانونی مسائل کے بعد تعلقات بہتر کیے ہیں درست نہیں ہیں۔
یہ بھی پڑھیں: سب سے مہنگی انگوٹھی کس کی؟ ٹیلر سوئفٹ کی منگنی کے بعد نئی بحث چھڑ گئی
یاد رہے کہ ماضی میں دونوں قریبی دوست سمجھی جاتی تھیں تاہم فلم It Ends With Us اور اس سے جڑے قانونی تنازعات کے بعد ان کے تعلقات میں دوری پیدا ہونے کی اطلاعات سامنے آئیں۔ اسی دوران بلیک لائیولی کے جستین بالدونی کے ساتھ تنازع نے بھی صورتحال کو مزید پیچیدہ بنا دیا۔
رپورٹس کے مطابق اس تنازع کے دوران ٹیلر سوئفٹ کا نام بعض گفتگوؤں اور قانونی کارروائی میں سامنے آیا، جس پر انہیں حیرت اور ناخوشگواری ہوئی۔ کہا جاتا ہے کہ اس واقعے کے بعد دونوں شخصیات کے درمیان اعتماد میں کمی واقع ہوئی۔
یہ بھی پڑھیں: ٹیلر سوئفٹ کی دولت 2 ارب ڈالر سے تجاوز، عالمی میوزک انڈسٹری میں نیا ریکارڈ
ادھر ٹیلر سوئفٹ اور امریکی فٹبال اسٹار ٹریوس کیلسی کی شادی کی تیاریاں بھی توجہ کا مرکز بنی ہوئی ہیں۔ رپورٹ کے مطابق یہ شادی 3 جولائی کو میڈیسن اسکوائر گارڈن میں متوقع ہے جس میں 1100 سے 1200 مہمانوں کی شرکت کا امکان ظاہر کیا جا رہا ہے۔
تقریب میں سیکیورٹی اور پرائیویسی کے سخت انتظامات کیے جانے کی اطلاعات ہیں، جن میں محدود داخلہ، محفوظ ٹرانسپورٹ اور خصوصی پارکنگ انتظامات شامل ہوں گے تاکہ میڈیا اور پاپارازی سے بچاؤ ممکن بنایا جا سکے۔
متوقع مہمانوں میں زوئی کراوٹز، ایڈ شیران، سوکی واٹر ہاؤس، بینسن بون اور ہیم فیملی کے ارکان کے نام بھی شامل کیے جا رہے ہیں۔
