ملک بھر میں سونے کی قیمتوں میں ایک بار پھر معمولی اضافہ ریکارڈ کیا گیا ہے، جس کے بعد فی تولہ اور 10 گرام سونا مہنگا ہو گیا ہے۔
یہ بھی پڑھیں:گولڈ کی قیمت میں کمی کے بعد پھر اضافہ، مستقبل کیا ہے؟
آل پاکستان جیمز اینڈ جیولرز ایسوسی ایشن کی جانب سے جاری کردہ تازہ ترین اعداد و شمار کے مطابق، مقامی صرافہ بازاروں میں فی تولہ سونے کی قیمت میں 1 ہزار 187 روپے کا اضافہ دیکھا گیا ہے، جس کے بعد اس کی نئی قیمت 4 لاکھ 31 ہزار 323 روپے کی سطح پر پہنچ گئی ہے۔
اسی طرح، 10 گرام سونے کی قیمت میں بھی 989 روپے کا اضافہ ہوا ہے اور اب یہ 3 لاکھ 68 ہزار 74 روپے میں فروخت ہو رہا ہے۔
مقامی مارکیٹ میں ہونے والا یہ اضافہ عالمی منڈی میں قیمتوں کے اتار چڑھاؤ کا نتیجہ ہے، جہاں سونے کی فی اونس قیمت 11.87 ڈالر بڑھنے کے بعد 4 ہزار 88 ڈالر کی سطح پر ریکارڈ کی گئی ہے۔
