پاکستان اور افغانستان نے دوہرے ٹیکس سے بچنے کے کنونشن کے متفقہ مسودے پر دستخط کر دیئے۔
ترجمان ایف بی آر کے مطابق تفصیلی بات چیت کے بعد، دونوں فریقین نے متفقہ مسودے پر اتفاق کر لیا۔ متفقہ مسودے پر دونوں وفود کے سربراہان نے دستخط کیے۔
پاکستان اور افغانستان کے وفود کے درمیان فیڈرل بورڈ آف ریونیو میں مذاکرات کا تیسرا دور دونوں وفود کے درمیان دوستانہ ماحول میں ہوا ۔
وفود کے درمیان 27 سے 30 دسمبر 2021 کو اسلام آباد میں مذاکرات کا دوسرا دور ہوا تھا۔
چیئرمین ایف بی آر عاصم احمد نے کہا افغانی وفد کو پاکستان آنے پر خوش آمدید کہتے ہیں۔ کنونشن سے دونوں برادر ممالک کے درمیان اقتصادی تعلقات مزید مضبوط ہوں گے۔
افغان وفد کی سربراہی ریونیو لیگل سروسز کے ڈائریکٹر ندا محمد صدیقی اور پاکستانی وفد کی سربراہی ڈائریکٹر جنرل انٹرنیشنل ٹیکس آپریشنز ساجد اللہ صدیقی نے کی ۔
