سمندری طوفان بپر جوائے جہاں کراچی کے قریب پہنچ گیا ہے وہیں بھارت میں بھی اس کے تباہ کن اثرات شروع ہو گئے ہیں اور اب تک مختلف حادثات میں 11 افراد لقمہ اجل بن چکے ہیں۔
مزید پڑھیں
غیر ملکی میڈیا رپورٹس کے مطابق بھارتی شہر ممبئی کی ساحلی پٹی پر 4 نوجوان لہروں کی نذر ہو گئے۔ جن میں سے 2 کی لاشیں ملی ہیں جبکہ 2 کی تلاش کا عمل جاری ہے۔
حکام کے مطابق طوفان گجرات کے گجرات کے ساحلی علاقوں سے ٹکرانے کے باعث ہنگامی صورتحال پیدا ہو گئی ہے اور کئی مقامات پر گھروں کی دیواریں گرنے کے ساتھ درخت بھی جڑوں سے اکھڑ گئے۔ اور راجکوٹ میں 3 افراد کے ہلاک ہونے کی رپورٹ سامنے آئی ہے۔
ریاستی حکومت کا کہنا ہے کہ سیلاب سے 8 اضلاع متاثر ہونے کا خدشہ ہے۔ اس لیے ماہی گیری معطل کرنے کے ساتھ ساتھ اسکولوں میں بھی چھٹیوں کا اعلان کر دیا گیا ہے۔
ریلیف کمشنر آلوک کمار پانڈے کا کہنا ہے کہ ساحلی اضلاع سے اب تک ساڑھے 20 ہزار سے زائد لوگوں کو نکال کر محفوظ مقام پر منتقل کیاجا چکا ہے۔
