امریکا میں الیکٹرک ایئر ٹیکسی کے مستقبل کی جانب اہم پیشرفت کرتے ہوئے پہلے آزمائشی آپریشن کا آغاز کر دیا گیا ہے۔ فیڈرل ایوی ایشن ایڈمنسٹریشن (ایف اے اے) اور محکمہ ٹرانسپورٹ کے پائلٹ پروگرام کے تحت ابتدائی پروازوں میں مریضوں کے لیے تیار کیے گئے انسانی اعضا ایک ریاست سے دوسری ریاست منتقل کیے گئے۔
امریکا میں الیکٹرک ورٹیکل ٹیک آف اینڈ لینڈنگ (eVTOL) طیاروں کے انٹیگریشن پائلٹ پروگرام کے تحت پہلی عملی آزمائشی پروازیں کامیابی سے مکمل کر لی گئی ہیں۔ اس کثیر سالہ پروگرام کا مقصد الیکٹرک ایئر ٹیکسیوں کو مستقبل کے فضائی ٹرانسپورٹ نظام کا حصہ بنانے کے لیے ان کی عملی صلاحیت، حفاظت اور آپریشنل استعداد کا جائزہ لینا ہے۔
The future of flight is coming to London. 🇬🇧
From July 10 to 12, we’re partnering with @VirginAtlantic to bring a full-scale model of our electric air taxi to Potters Fields Park, right beside Tower Bridge.
Visitors will be able to experience the aircraft up close and learn how… https://t.co/IgthAFYCgI pic.twitter.com/Xrez5tWuI8
— Joby Aviation (@jobyaviation) July 9, 2026
پروگرام کے تحت ایمیزون کی حمایت یافتہ کمپنی بیٹا ٹیکنالوجیزکو فیڈرل ایوی ایشن ایڈمنسٹریشن (ایف اے اے) اور امریکی محکمہ ٹرانسپورٹ کے آٹھ میں سے سات منصوبوں کے لیے منتخب کیا گیا ہے۔
ابتدائی آزمائشی پروازوں کے دوران کمپنی نے بائیوٹیک فرم یونائیٹڈ تھیراپیوٹکس کے لیے تیار کیے گئے انسانی اعضا میری لینڈ اور ورجینیا کے ہوائی اڈوں کے درمیان منتقل کیے۔ ان پروازوں نے مجموعی طور پر تقریباً 275 ناٹیکل میل کا سفر طے کیا۔
بیٹا کے چیف ایگزیکٹو آفیسر کائل کلارک نے کہا کہ ان کامیاب آزمائشی مشنز سے ملک بھر میں کم لاگت پر طبی مقاصد کے لیے الیکٹرک فضائی نقل و حمل کی راہ ہموار ہوگی۔
یہ بھی پڑھیں:لندن کی پہلی الیکٹرک ایئر ٹیکسی سروس کا آغاز کب ہوگا؟
ماہرین کے مطابق فضائی ٹیکسیوں کو برسوں سے شہروں میں ٹریفک کے دباؤ میں کمی، طبی ایمرجنسی، مال برداری اور دفاعی مقاصد کے لیے ایک مؤثر حل قرار دیا جا رہا ہے، تاہم ریگولیٹری منظوریوں میں تاخیر کے باعث بیشتر کمپنیوں کو تجارتی مسافر سروسز کے آغاز کا شیڈول مؤخر کرنا پڑا۔
رپورٹ کے مطابق صدر ڈونلڈ ٹرمپ کی جانب سے گزشتہ سال جاری کیے گئے ایگزیکٹو آرڈر کے تحت اس پائلٹ پروگرام کا آغاز کیا گیا تھا تاکہ الیکٹرک ایئر ٹیکسیوں کی منظوری کے عمل کو تیز کیا جا سکے۔ یہ پروگرام امریکا کی 26 ریاستوں میں 8 مختلف منصوبوں پر مشتمل ہے، جن میں بیٹا ٹیکنالوجیز سب سے زیادہ 7 منصوبوں میں شریک ہے۔
Flying vehicles are no longer a Hollywood fantasy. Official certification for electric vertical takeoff and landing craft—or eVTOLs—might still be years away, but the vision of vaulting over traffic-clogged highways is creeping ever closer to reality. pic.twitter.com/sxzXm8jKwS
— Tariq BinSalamah (@BinsalamahTariq) July 9, 2026
کمپنی کا کہنا ہے کہ اس کا الیکٹرک ایئر ٹیکسی طیارہ 2028 تک باقاعدہ سرٹیفکیشن حاصل کرنے کی توقع رکھتا ہے، جبکہ روایتی رن وے سے اڑان بھرنے والا اس کا دوسرا برقی طیارہ 2027 میں منظوری حاصل کر سکتا ہے۔
