وفاقی وزیر دفاع خواجہ آصف نے کہا ہے کہ وزارتِ دفاع کے تحت شعبۂ ہوا بازی کی ذمہ داریاں منتقل ہونے کے بعد ملک بھر کے ہوائی اڈوں کی بحالی کا عمل کامیابی سے جاری ہے۔ انہوں نے کہا کہ حکومت ملک کے طول و عرض میں فضائی رابطوں کو وسعت دینے کے لیے مؤثر اقدامات کر رہی ہے۔
وفاقی وزیر دفاع خواجہ آصف نے سماجی رابطے کی ویب سائٹ ’ایکس‘ پر اپنے بیان میں کہا کہ وزارتِ دفاع کی نگرانی میں شعبۂ ہوا بازی میں انقلابی اصلاحات کے مثبت نتائج سامنے آ رہے ہیں اور ملک بھر کے مختلف ہوائی اڈوں کی بحالی کا عمل کامیابی سے جاری ہے۔
🚨🚨ایوی ایشن انڈسٹری کا کنٹرول وزارت دفاع کے حوالے ھونے کے بعد سار ملک میں ائیرپورٹوں کی بحالی کا سلسلہ کامیابی کے ساتھ جاری ۔ انشاءاللہ وطن کے طول وعرض میں ہوائ رابطوں کو بڑھایا جا رہا ھے الحمدوللہ
🚨🚨 وزارتِ دفاع کے زیرِ انتظام ایوی ایشن انڈسٹری میں انقلابی اصلاحات کے بعد… pic.twitter.com/Q1037Zlhro
— Khawaja M. Asif (@KhawajaMAsif) July 15, 2026
انہوں نے بتایا کہ ان اصلاحات کے نتیجے میں بہاولپور ایئرپورٹ کو بھی بحال کر دیا گیا ہے، جس سے جنوبی پنجاب میں فضائی آمدورفت اور عوام کو سفری سہولیات کی فراہمی میں بہتری آئے گی۔
خواجہ آصف نے کہا کہ ان شاء اللہ ملک کے کونے کونے تک فضائی رابطوں کا جال مزید وسیع کیا جا رہا ہے، جس سے عوام کو بہتر سفری سہولیات اور مختلف شہروں کے درمیان رابطوں میں آسانی میسر آئے گی۔
یہ بھی پڑھیں:بارشوں کی پیشگوئی، سی اے اے کا کراچی ایئر پورٹ کے لیے الرٹ جاری
وزیر دفاع کے مطابق بہاولپور کے عوام نے ایئرپورٹ کی بحالی پر وزیراعظم شہباز شریف اور فیلڈ مارشل سید عاصم منیر کو خراجِ تحسین پیش کرنے کے لیے شہر بھر میں فلیکس بینرز بھی آویزاں کیے ہیں۔
