وزیراعظم آزاد جموں و کشمیر فیصل ممتاز راٹھور نے سابق وزیراعظم سردار تنویر الیاس کے قافلے پر شرپسند عناصر کے حملے کی شدید مذمت کرتے ہوئے واقعے میں ہونے والے جانی نقصان پر افسوس کا اظہار کیا ہے۔
وزیراعظم آزاد کشمیر نے حملے میں جاں بحق ہونے والے سیکیورٹی گارڈ کے اہل خانہ سے تعزیت کرتے ہوئے مرحوم کے درجات کی بلندی کے لیے دعا کی۔
فیصل ممتاز راٹھور نے کہا کہ سیاسی رہنماؤں پر حملے ناقابلِ قبول ہیں، شرپسند عناصر کو ریاست کا پرامن ماحول خراب کرنے کی اجازت نہیں دی جائے گی۔
یہ بھی پڑھیں: صدر آئی پی پی عبدالعلیم خان کی آزاد کشمیر کے سابق وزیر اعظم تنویر الیاس کے انتخابی قافلے پر حملے کی شدید مذمت
انہوں نے انتظامیہ کو ہدایت کی کہ واقعے کی مکمل تحقیقات کرکے ذمہ دار عناصر کو قانون کے کٹہرے میں لایا جائے اور ملوث افراد کے خلاف کارروائی عمل میں لائی جائے۔
