اسلام آباد کی ڈسٹرکٹ اینڈ سیشن عدالت نے 26 نومبر احتجاج کیس میں پاکستان تحریک انصاف کے رہنما عمر ایوب کو مسلسل عدم پیشی پر اشتہاری قرار دیتے ہوئے ان کے دائمی وارنٹ گرفتاری جاری کر دیے۔
اسلام آباد کی ڈسٹرکٹ اینڈ سیشن کورٹس میں 26 نومبر احتجاج کیس کی سماعت جوڈیشل مجسٹریٹ شائستہ کنڈی نے کی۔
یہ بھی پڑھیں:9 مئی جی ایچ کیو حملہ کیس میں عمر ایوب، زرتاج گل، مراد سعید سمیت 47 ملزمان کو 10، 10 سال قید کی سزا
دورانِ سماعت عدالت نے مسلسل طلبی کے باوجود پیش نہ ہونے پر پاکستان تحریک انصاف کے رہنما عمر ایوب کو اشتہاری قرار دیتے ہوئے ان کے دائمی وارنٹ گرفتاری جاری کرنے کا حکم دے دیا۔
عدالت نے اپنے فیصلے میں کہا کہ عمر ایوب کو متعدد بار طلب کیا گیا، تاہم وہ عدالت میں پیش نہیں ہوئے، جس کے باعث انہیں قانون کے مطابق اشتہاری قرار دیا جا رہا ہے۔
یاد رہے کہ عمر ایوب کے خلاف 26 نومبر کے احتجاج کے دوران اسلام آباد میں دفعہ 144 کی خلاف ورزی اور دیگر متعلقہ دفعات کے تحت مقدمہ درج کیا گیا تھا۔
