ایشز سیریز کے پہلے میچ میں آسٹریلیا نے انگلینڈ کو دلچسپ مقابلے کے بعد شکست دے دی ہے۔
پہلے ٹیسٹ میچ کے آخری دن آسٹریلیا کو میچ جیتنے کے لیے 174 رنز درکار تھے اور انگلینڈ کو 7 وکٹیں چاہیے تھیں۔ آسٹریلیا نے انتہائی سنسنی خیز مقابلے کے بعد یہ ہدف 8 وکٹوں کے نقصان پر پورا کر لیا۔
انگلینڈ کی جانب سے پہلی اننگز 393 اسکور پر ڈیکلیئر کر دی گئی تھی جبکہ جواب میں آسٹریلیا کی ٹیم 368 رنز بنا کر آؤٹ ہو گئی تھی۔
دوسری اننگز کا آغاز ہوا تو انگلینڈ کی ٹیم 273 رنز بنا کر پویلین لوٹ گئی۔ آسٹریلیا کو میچ جیتنے کے لیے 281 رنز کی ضرورت تھی جو انہوں نے 8 وکٹوں کے نقصان پر پورے کر لیے۔
