وزیراعظم شہباز شریف کا کہنا ہے کہ پاکستان حکومت آزاد جموں کشمیر حکومت کے ساتھ بھرپور جاری رکھے گی۔
یہ بھی پڑھیں: آزاد کشمیر کے نو منتخب وزیراعظم افتخار گیلانی نے عہدے کا حلف اٹھا لیا
بدھ کو وزیراعظم شہباز شریف سے آزاد جموں کشمیر کے نومنتخب وزیراعظم سید افتخار علی گیلانی نے ملاقات کی۔ اس موقعے پر شہباز شریف نے سید افتخار علی گیلانی کو وزیراعظم آزاد جموں کشمیر کا منصب سنبھالانے پر مبارکباد پیش کی اور نیک خواہشات کا اظہار کیا۔
ملاقات میں آزاد جموں کشمیر کے امن، ترقی اور خطے میں جاری فلاحی منصوبوں پر بھی تفصیلی تبادلہ خیال کیا گیا۔
وزیراعظم شہباز شریف نے اس عزم کا اعادہ کیا کہ وفاقی حکومت کشمیری بھائیوں کی ترقی اور خوشحالی کے لیے تمام اقدامات جاری رکھے گی۔
آزاد جموں کشمیر کے وزیراعظم نے وزیراعظم پاکستان کا شکریہ ادا کرتے ہوئے اس عزم کا اظہار کیا کہ وہ خطے کی ترقی اور عوام کی فلاح و بہبود کے لیے اپنی تمام صلاحیتیں بروئے کار لائیں گے۔
ملاقات میں نائب وزیراعظم و وزیر خارجہ محمد اسحاق ڈار، وفاقی وزیر برائے پارلیمانی امور طارق فضل چوہدری اور وزیراعظم کے مشیر رانا ثنااللہ بھی شریک تھے۔
