نائب وزیراعظم و وزیر خارجہ اسحاق ڈار نے بدھ کے روز اقوام متحدہ میں پاکستان کے مستقل مندوب عاصم افتخار احمد کو نیا سیکریٹری خارجہ مقرر کرنے کا اعلان کیا ہے۔
وزیر خارجہ اسحاق ڈار نے سوشل میڈیا پلیٹ فارم ‘ایکس’ پر جاری بیان میں کہا کہ مجھے یہ بتاتے ہوئے خوشی ہو رہی ہے کہ سفیر عاصم افتخار احمد پاکستان کے نئے سیکریٹری خارجہ ہوں گے۔
The 33rd Foreign Secretary of Pakistan, Ambassador Amna Baloch, after a distinguished career spanning over three decades and her tenure as Foreign Secretary since 11 September 2024, will retire from government service on 17 September 2026. I commend her dedicated service and…
— Ishaq Dar (@MIshaqDar50) September 9, 2026
انہوں نے مزید کہا کہ مجھے کامل یقین ہے کہ ان کی قیادت میں دفتر خارجہ سفیر آمنہ بلوچ اور ان کے پیشروؤں کی کوششوں کو آگے بڑھاتے ہوئے پیشہ ورانہ مہارت اور واضح مقاصد کے ساتھ قومی مفادات کا تحفظ جاری رکھے گا۔
آمنہ بلوچ کی خدمات کا اعتراف
وزیر خارجہ نے موجودہ سیکریٹری خارجہ آمنہ بلوچ کی خدمات کو سراہتے ہوئے کہا کہ انہوں نے پاکستان کی سفارتی تاریخ کے ایک انتہائی اہم دور میں وزارت خارجہ کی بہترین قیادت کی۔
انہوں نے بتایا کہ وزیراعظم شہباز شریف کی منظوری کے بعد، آمنہ بلوچ اپنی ریٹائرمنٹ کے بعد ترکیہ میں پاکستان کی نئی سفیر کے طور پر ذمہ داریاں سنبھالیں گی۔
آمنہ بلوچ جنہوں نے 11 ستمبر 2024 کو پاکستان کی 33 ویں سیکریٹری خارجہ کا عہدہ سنبھالا تھا 17 ستمبر کو سرکاری ملازمت سے ریٹائر ہو رہی ہیں۔
نئے سیکریٹری خارجہ کا ردعمل
اپنے انتخاب پر ردعمل دیتے ہوئے سفیر عاصم افتخار احمد نے سوشل میڈیا پر اپنے پیغام میں اسے اپنے لیے باعث اعزاز قرار دیا۔
انہوں نے کہا کہ اعلیٰ قیادت کی جانب سے کیے جانے والے اس اعتماد پر بے حد ممنون ہوں۔ سپریم قومی مفادات کو آگے بڑھانے کے لیے اس ذمہ داری کو پوری تندہی سے نبھاؤں گا۔
Such a great honour to serve the green flag. Deeply humbled by the confidence and trust reposed by the leadership.
Looking forward to carrying out together this responsibility in advancing supreme national interest. Thankful to Allah for His blessings, and to parents, family,… https://t.co/Ogg0xmbYGd
— Asim Iftikhar Ahmad, PR of Pakistan to the UN (@PakistanPR_UN) September 9, 2026
عاصم افتخار احمد نے اس موقعے پر اپنے والدین، اہلخانہ اور ہمکاروں کا بھی شکریہ ادا کیا۔
