ملک بھر میں جاری گرمی کی لہر نے گلگت بلتستان اور خیبرپختونخوا کو سیلاب کے خدشات سے دوچار کردیا ہے۔ وفاقی وزیر برائے ماحولیاتی تبدیلی سینیٹر شیری رحمان کے مطابق دونوں خطوں میں گلیشیئر پگھلنے کے باعث سیلاب کا خطرہ ہے لہذا تمام احتیاظی تدابیر اختیار کی جائیں۔
⚠️ Alert: With temperatures in Gilgit-Baltistan & Khyber Pakhtunkhwa expected to be 4-6 degrees higher than normal, the risk of flash floods and glacial lake outburst floods (GLOF) is on the rise. District administrations, local organizations, communities must remain vigilant and… pic.twitter.com/r97krmHVXZ
— SenatorSherryRehman (@sherryrehman) June 22, 2023
اپنے ٹوئٹر الرٹ میں وزیر برائے موسمیاتی تبدیلی کا کہنا ہے کہ گلگت بلتستان اور خیبر پختونخوا میں درجہ حرارت معمول سے 4 سے 6 ڈگری زیادہ رہنے کا امکان ہے۔ جس کے باعث شمالی علاقہ جات سمیت خیبر پختونخوا میں اچانک برفانی جھیلوں کے سیلاب کا خطرہ بڑھ رہا ہے۔
’ضلعی انتظامیہ، مقامی ادارے اور کمیونٹیز چوکس رہیں اور احتیاطی تدابیر اختیار کریں، خاص طور پر آنے والے ہفتے کے دوران عید الاضحیٰ کے موقع پر جب چھٹیوں کی وجہ سے شمالی علاقہ جات میں سیاحوں کی آمد کا سلسلہ شروع ہوگا۔‘
وزیر برائے موسمیاتی تبدیلی کے مطابق شمال قطبی علاقہ سے باہر کسی بھی دوسرے ملک کے مقابلے میں سب سے زیادہ گلیشیئرز پاکستان میں ہیں۔ ’گزشتہ برس گلیشیئرز پگھلنے کے باعث جھیلوں کی طغیانی کے 30 سے زیادہ واقعات نے ہزاروں افراد کو بے گھر کر دیا تھا۔ سب سے درخواست ہے کہ حفاظت کو ترجیح دیں۔‘