بھارت کی ریاست مہاراشٹرا کے شہر ناگپور میں اسٹیٹ بینک آف انڈیا کی ایک شاخ میں ڈکیتی کی کوشش کرنے والا شخص فرار ہوتے ہوئے گرفتار کرلیا گیا۔
پولیس کے مطابق گرفتار ملزم کی شناخت 28 سالہ سورج بھوج راج بورکر کے نام سے ہوئی ہے، جو بی ایس سی گریجویٹ اور فی الحال بے روزگار ہے۔
ملزم مبینہ طور پر بینک سے 4 لاکھ روپے نقد لے کر فرار ہونے کی کوشش کر رہا تھا۔
یہ بھی پڑھیں: ایسا ملک جہاں گزشتہ سال ایک بھی بینک ڈکیتی نہیں ہوئی
پولیس کا کہنا ہے کہ ملزم عام صارف کا روپ دھار کر بینک میں داخل ہوا اور کیش کاؤنٹر کے قریب پہنچا۔
اس نے اچانک بینک ملازمین کی آنکھوں میں مرچ پاؤڈر پھینک دیا اور پیدا ہونے والی افراتفری کا فائدہ اٹھاتے ہوئے 4 لاکھ روپے نقد لے کر فرار ہوگیا۔
A man attempted to rob a State Bank of India (SBI) branch in Maharashtra's Nagpur by throwing chilli powder into the eyes of bank employees, but was caught while he was trying to flee.
The accused, identified as 28-year-old Suraj Bhojraj Borkar, is a https://t.co/V1yw4lNjWK.… https://t.co/OrKQEaboqA pic.twitter.com/VO0OMQEAVd
— Hate Detector 🔍 (@HateDetectors) September 11, 2026
واقعے کی مکمل کارروائی بینک کے اندر نصب سی سی ٹی وی کیمروں میں محفوظ ہوگئی۔
واردات کے فوراً بعد بینک ملازمین نے ملزم کا تعاقب شروع کردیا جبکہ موقع پر موجود چند پولیس اہلکاروں نے بھی ان کی مدد کی۔
ایک پولیس افسر کے مطابق ملزم کو واردات کے تقریباً 30 منٹ بعد بینک سے ایک کلومیٹر کے فاصلے پر گرفتار کرلیا گیا۔
مزید پڑھیں: سنگاپور میں جنسی کارکنوں کو لوٹنے پر 2 بھارتی سیاحوں کو قید اور کوڑوں کی سزا
پولیس نے ملزم کے قبضے سے مبینہ طور پر چوری کی گئی پوری رقم بھی برآمد کرلی ہے۔
پولیس حکام کے مطابق ملزم سے تفتیش جاری ہے تاکہ واردات کے اصل محرکات کا پتا چلایا جاسکے اور یہ معلوم کیا جاسکے کہ آیا اس واردات میں کوئی اور شخص بھی ملوث تھا۔
حکام کا ابتدائی طور پر خیال ہے کہ ملزم کی بے روزگاری اسے مبینہ طور پر جرم کی جانب لے گئی، تاہم پولیس مختلف پہلوؤں سے تفتیش کر رہی ہے۔
