تھائی لینڈ میں شدید بارشوں کے باعث آنے والے سیلاب نے بڑے پیمانے پر تباہی مچا دی جس کے نتیجے میں ہلاکتوں کی تعداد 23 تک پہنچ گئی جبکہ ملک کے 29 صوبوں اور دارالحکومت بینکاک میں 26 لاکھ سے زائد افراد متاثر ہوئے ہیں۔
میڈیا رپورٹس کے مطابق بینکاک کے مختلف علاقوں میں سیلابی صورتحال برقرار ہے جہاں متعدد مقامات پر پانی کی نکاسی تاحال نہیں ہوسکی۔ سڑکوں اور نشیبی علاقوں میں پانی جمع ہونے کے باعث معمولاتِ زندگی شدید متاثر ہیں جبکہ اسکول دوسرے روز بھی بند رہے۔
🇹🇭 Thailand floods kill 23 and affect more than 2.6 million people across 29 provinces and Bangkok, authorities say.
Bangkok’s drainage system has been overwhelmed, with flood damage estimated at over $320 million. pic.twitter.com/P0CwieNZv4
— Observer Diplomat (@observerdiplo) September 29, 2026
سیلابی پانی بینکاک کے مختلف علاقوں تک پہنچنے کے بعد شہری نکاسیٔ آب کے نظام اور بنیادی ڈھانچے کو شدید دباؤ کا سامنا ہے۔ حکام کو خدشہ ہے کہ مسلسل بارشوں کے باعث شہر کے بعض علاقوں میں صورتحال مزید سنگین ہوسکتی ہے۔
سوشل میڈیا پر گردش کرنے والی ویڈیوز میں بینکاک کی سڑکوں کو سیلابی پانی میں ڈوبا ہوا دیکھا جاسکتا ہے جبکہ بعض مقامات پر سڑکیں ندی نالوں کا منظر پیش کررہی ہیں۔ ایک وائرل ویڈیو میں سیلابی پانی میں مچھلیاں تیرتی ہوئی بھی دکھائی دے رہی ہیں۔
Thailand flood death toll rises to 23 with over 2.6M affected across 29 provinces and Bangkok.
Water reaching Bangkok puts urban drainage and infrastructure to a severe test, threatening regional supply chains and economic stability. pic.twitter.com/HsJUKligaU
— RussiaNews 🇷🇺 (@mog_russEN) September 29, 2026
میڈیا رپورٹس کے مطابق سیلاب کی شدت نے شہری زندگی کے ساتھ ساتھ علاقائی سپلائی چینز اور معاشی سرگرمیوں کو بھی متاثر کیا ہے۔ بنیادی ڈھانچے پر بڑھتے ہوئے دباؤ کے باعث حکام کو متاثرہ علاقوں میں امدادی سرگرمیوں، نکاسیٔ آب اور شہریوں کے تحفظ کے حوالے سے متعدد چیلنجز کا سامنا ہے۔
