چیف جسٹس پاکستان کی منظوری کے بعد رجسٹرار نے آئندہ ہفتے کے لیے ججز کا روسٹر جاری کردیا ہے۔
روسٹر کے مطابق پرنسپل سیٹ اسلام آباد رجسٹری کے لیے ایک 7 رکنی لارجر بینچ تشکیل دیا گیا۔ اس کے علاوہ لاہور رجسٹری کے لیے 2 رکنی بینچ تشکیل دیا گیا ہے۔
آئندہ ہفتے عید الاضحیٰ کی چھٹیوں کے باعث پرنسپل سیٹ اسلام آباد میں صرف سویلین کے کورٹ مارشل سے متعلق کیس سنا جائے گا۔ کیس کی سماعت چیف جسٹس آف پاکستان کی سربراہی میں 7 رکنی لارجر بینچ کرے گا۔
جسٹس امین الدین خان اور جسٹس شاہد پر مشتمل 2 رکنی بینچ سپریم کورٹ لاہور رجسٹری میں مختلف کیسز کی سماعت کرے گا۔
پورے ہفتے میں ان 2 کے علاوہ دیگر کسی رجسٹری میں کسی کیس کی سماعت نہیں ہو گی۔
چیف جسٹس آف پاکستان کی طرف سے مذکورہ 2 بینچز کے علاوہ کوئی بینچ تشکیل نہیں دیا گیا۔
