پی ٹی آئی سندھ کے صدر حلیم عادل شیخ نے 11 رکنی انکوائری کمیٹی کی سفارش پر مزید 6 چیئرمینز کی پارٹی رکنیت منسوخی کے لیے نوٹس جاری کر دیے ہیں۔
سیکریٹری اطلاعات پی ٹی آئی سندھ جعفر الحسن کے مطابق 6 اراکین میں صدر ٹاؤن یوسی 6 سے محمد علی رضا، عمران پاروانی، کورنگی سے سلمان خان، کیماڑی سے عبدالمعید، اورنگی ٹاؤن سے ملک اختر اور فرنٹیئر کالونی سے محمد ادریس شامل ہیں۔
جعفر الحسن کے مطابق تمام اراکین کی پارٹی رکنیت ختم کرنے کے لیے پارٹی کے سیکریٹری جنرل کو بھی خط لکھ دیا گیا ہے، یاد رہے اس سے قبل 11 چیئرمینز کو پارٹی پالیسی کی خلاف ورزی کرنے پر پارٹی سے نکال دیا گیا تھا، بقیہ اراکین جن کو شوکاز نوٹسز جاری کیے گئے ہیں انکوائری کمیٹی ان کی چھان بین کرکے سفارشات پارٹی صدر کو بھجوائے گی۔
