نائب وزیراعظم و وزیر خارجہ سینیٹر محمد اسحاق ڈار سے چین کی کمیونسٹ پارٹی کی مرکزی کمیٹی کے بین الاقوامی شعبے کے وزیر لیو ہائی شینگ نے اسلام آباد میں ملاقات کی، جس میں پاکستان اور چین کے درمیان دوطرفہ تعلقات، ثقافتی روابط اور عوامی سطح پر تبادلوں کو مزید فروغ دینے کے امور پر تبادلہ خیال کیا گیا۔
ترجمان دفتر خارجہ کے مطابق ملاقات کے دوران چینی وزیر لیو ہائی شینگ نے چین کے وزیر خارجہ وانگ یی کی جانب سے نیک خواہشات اور خیرسگالی کا پیغام پہنچایا، جس کا نائب وزیراعظم اسحاق ڈار نے گرمجوشی سے جواب دیا۔
Deputy Prime Minister/Foreign Minister Senator Mohammad Ishaq Dar @MIshaqDar50 held a bilateral meeting with Mr. Liu Haixing, Minister of the International Department of the CPC Central Committee (IDCPC), in Islamabad today.
Minister Liu conveyed greetings from Foreign Minister Wang Yi, which the DPM/FM warmly reciprocated. The DPM/FM also conveyed warm greetings to President Xi Jinping on behalf of Pakistan’s leadership.
The DPM/FM reaffirmed Pakistan’s continued commitment to further strengthening the All-Weather Strategic Cooperative Partnership with China. The two sides discussed ways to enhance cultural ties and people-to-people exchanges.
Both leaders expressed their resolve to maintain close coordination and carry forward the positive momentum in bilateral relations.
— Ministry of Foreign Affairs – Pakistan (@ForeignOfficePk) November 2, 2026
اس موقع پر اسحاق ڈار نے پاکستانی قیادت کی جانب سے چین کے صدر شی جن پنگ کے لیے بھی نیک خواہشات اور خیرسگالی کا پیغام دیا۔
نائب وزیراعظم و وزیر خارجہ نے چین کے ساتھ ہر موسم کی اسٹریٹجک تعاون پر مبنی شراکت داری کو مزید مضبوط بنانے کے لیے پاکستان کے مسلسل عزم کا اعادہ کیا۔
ملاقات میں دونوں ممالک کے درمیان ثقافتی تعلقات کو وسعت دینے اور عوامی سطح پر روابط اور تبادلوں کو مزید بڑھانے کے طریقوں پر بھی گفتگو ہوئی۔
دونوں رہنماؤں نے باہمی رابطہ کاری کو قریبی سطح پر برقرار رکھنے اور پاکستان اور چین کے دوطرفہ تعلقات میں جاری مثبت پیش رفت کو مزید آگے بڑھانے کے عزم کا اظہار کیا۔
