برطانوی اداکارہ کیرا نائٹلی کا کہنا ہے کہ نیٹ فلکس کی مشہور جاسوسی تھرلر سیریز ’بلیک ڈَووز‘ (Black Doves) کی اصل کشش صرف سنسنی خیز ایکشن، قاتلوں اور خطرناک مشنز میں نہیں بلکہ اس کے مزاحیہ انداز اور اخلاقی اعتبار سے پیچیدہ کرداروں میں بھی پوشیدہ ہے۔
لندن میں سیریز کے دوسرے سیزن کی افتتاحی تقریب منعقد ہوئی، جس میں آتش بازی کے خوبصورت مظاہرے نے تقریب کو مزید یادگار بنا دیا۔
اس موقع پر 41 سالہ اداکارہ کیرا نائٹلی کا کہنا تھا کہ سیریز کو اس انداز میں پیش کیا گیا ہے کہ ناظرین اس سے بھرپور تفریح حاصل کرسکیں۔
یہ بھی پڑھیں: پب جی کی مقبولیت ہالی ووڈ تک جا پہنچی، نیٹ فلکس کا گیم پر سیریز بنانے کا اعلان
’۔۔۔بظاہر اس میں کئی غیر معمولی اور مضحکہ خیز واقعات ہیں، تاہم اس کے کردار انتہائی دلچسپ اور اخلاقی طور پر پیچیدہ ہیں۔‘
ان کے مطابق سیریز کی سب سے بڑی خوبی یہی ہے کہ مزاح، تفریح اور سنجیدہ نوعیت کے کردار ایک ساتھ دکھائی دیتے ہیں۔
نئے سیزن میں کیرا نائٹلی ایک مرتبہ پھر جاسوس ہیلن ویب کے کردار میں نظر آئیں گی، جو اپنی خفیہ جاسوسی زندگی اور گھریلو ذمہ داریوں کے درمیان توازن برقرار رکھنے کی کوشش کرتی ہیں۔
'Black Doves may be packed with assassins and high-octane action sequences, but the joy of the Netflix spy thriller lies in its blend of humor and morally complex characters, Actor Keira Knightley said at the London launch of the show's second season pic.twitter.com/c0gSkuL88U
— Reuters Showbiz (@ReutersShowbiz) November 3, 2026
کہانی میں اس وقت نیا موڑ آتا ہے جب ان کے شوہر وزیراعظم بن جاتے ہیں، جبکہ ہیلن کی سرپرست مسز ریڈ کو نشانہ بنانے والی ایک سازش انہیں اور ان کے پرانے ساتھی سیم ینگ کو خطرناک مشن میں ملوث کردیتی ہے۔ سیم ینگ کا کردار بین وشا ادا کر رہے ہیں۔
کیرا نائٹلی اور بین وشا کے مطابق نئے سیزن میں کرداروں کو انتہائی دباؤ اور پریشان کن حالات کا سامنا کرنا پڑے گا۔
ہیلن اپنی حفاظت کے لیے کسی بھی حد تک جانے کو تیار دکھائی دیتی ہیں، جبکہ سیم ینگ شدید ذہنی دباؤ کے باعث اعصابی بحران کا شکار ہوتا نظر آئے گا۔
مزید پڑھیں: لیا سالونگا ہالی ووڈ واک آف فیم پر ستارہ حاصل کرنے والی پہلی فلپائنی اداکارہ بن گئیں
سیریز میں نئی اداکارہ امبیکا موڈ بھی شامل ہوئی ہیں، جو ایک ایسے قاتل کا کردار ادا کر رہی ہیں جسے ہیلن کی مدد کے لیے بھیجا جاتا ہے۔
ان کا کہنا تھا کہ وہ عام طور پر جاسوسی کہانیوں میں زیادہ دلچسپی نہیں رکھتیں، تاہم ’بلیک ڈَووز‘ میں روایتی کہانیوں سے ہٹ کر پیش کیے گئے واقعات اور مضبوط کرداروں نے انہیں متاثر کیا۔
سیریز کے تخلیق کار اور مصنف جو بارٹن کے مطابق اس کے کردار ہی ناظرین کی دلچسپی کا بنیادی سبب ہیں، ان کا کہنا تھا کہ ناظرین ایسے کرداروں کی کامیابی کے خواہاں ہوجاتے ہیں جنہیں عام حالات میں ولن سمجھا جاتا ہے۔
İSTİHBARAT RAPORU I SİNEMA
Black Dove, 2.Sezonuyla geri dönüş yolunda:
Başrollerini ünlü oyuncular Keira Knightley ve Ben Whishaw'un paylaştığı istihbarat, casusluk ve gerilim draması Black Doves'un Netflix platformunda izleyicisi ile buluşacağı açıklandı.
İlk sezonunda, bir… pic.twitter.com/uPJ9px1Ggd
— İstihbarat Raporu (@istihbaratRapor) November 1, 2026
انہوں نے مزاحیہ انداز میں کہا کہ یہ تمام کردار دراصل اجتماعی قاتل اور نفسیاتی مسائل کے حامل افراد ہیں، جنہیں جیل میں ہونا چاہیے، لیکن ناظرین پھر بھی ان سے ہمدردی کرنے لگتے ہیں۔
تقریب میں جیمز بانڈ سیریز کے مستقبل پر بھی گفتگو ہوئی۔ فلموں میں کیو کا کردار ادا کرنے والے بین وشا نے کہا کہ نئی ٹیم کو جیمز بانڈ کے کردار کو جدید دور کے تقاضوں کے مطابق پیش کرنے کے لیے جرات مندانہ اور منفرد انداز اپنانا چاہیے۔
مزید پڑھیں: اسٹار ٹریک اور ایکس مین کے شہرۂ آفاق اداکار سر پیٹرک اسٹیورٹ چل بسے
ان کے مطابق اس مشہور کردار کو نئے سرے سے متعارف کرانے کی ضرورت ہے۔ تاہم انہوں نے بتایا کہ اب تک کسی نے ان سے دوبارہ یہ کردار ادا کرنے کے لیے رابطہ نہیں کیا۔
واضح رہے کہ 6 اقساط پر مشتمل ’بلیک ڈَووز‘ کا دوسرا سیزن جمعرات کو نیٹ فلکس پر ریلیز کیا جائے گا۔
