پاکستان نے پہلے مقامی طور پر تیار کردہ فضا سے فضا میں مار کرنے والے میزائل فااز کا کامیاب تجربہ کر لیا جو قومی فضائی و دفاعی صلاحیتوں میں ایک اور اہم سنگ میل ہے۔
یہ بھی پڑھیں: پاک فوج کی جنگی صلاحیتوں میں مزید اضافہ، ہائپرسونک بیلسٹک میزائل فتح 2 جدید ورژن کا کامیاب تجربہ کرلیا
جدید ترین ٹرمینل گائیڈنس سسٹم سے لیس یہ میزائل دشمن کے فضائی اہداف کو طویل فاصلے تک نشانہ بنانے کی صلاحیت رکھتا ہے۔
قومی ایرو اسپیس اور دفاعی صلاحیتوں میں اضافے کی جانب ایک اور اہم سنگِ میل
پاکستان نے فضا سے فضا میں مار کرنے والے فاز ایئر ٹو میزائل کا کامیاب تجربہ کرلیا
ٹرمینل گائیڈنس سسٹم سے لیس میزائل فضائی اہداف کو طویل فاصلے سے نشانہ بنانے کی صلاحیت رکھتا ہے
♥️♥️🇵🇰 ISPR https://t.co/qfH0zfXFmg— Mian Bilal Hadi (@BilalHadi20) November 3, 2026
فاز پاکستان فضائیہ کی آپریشنل لچک میں نمایاں اضافہ کرے گا اور ملک کی مجموعی دفاعی پوزیشن کو مزید مضبوط بنائے گا۔ کامیاب فلائٹ ٹیسٹ پاکستان کی دفاعی صنعت کی تکنیکی پختگی، جدت اور خود انحصاری کا مظہر ہے۔
اس لانچ کا مشاہدہ پاکستان مسلح افواج کے سینئر افسران اور ان ممتاز سائنسدانوں اور انجینیئرز نے کیا جنہوں نے اس جدید ہتھیار کے نظام کی تیاری میں کلیدی کردار ادا کیا۔
مزید پڑھیے: پاک بحریہ کا مقامی اینٹی شپ بیلسٹک میزائل کا کامیاب تجربہ، طویل فاصلے پر ہدف تباہ
صدر، وزیر اعظم، چیف آف آرمی اسٹاف و چیف آف ڈیفنس فورسز اور سروسز چیفس نے اس شاندار کامیابی پر سائنسدانوں اور انجینئرز کو مبارکباد دی ہے۔
