واٹس ایپ ایک ایسا فیچر متعارف کرانے کی تیاری کر رہا ہے جو صارفین کو گروپ چیٹس میں اعلیٰ کوالٹی کی ویڈیوز بھیجنے کی صلاحیت فراہم کرے گا تاہم یہ فیچر آزمائش کے ابتدائی مراحل میں ہے۔
یہ بتانے کے لیے کہ مذکورہ فیچر کیسے کام کرے گا؟ میٹا سے متعلق خبریں دینے والی ویب سائٹ ویب سائٹ ویب بیٹا انفو نے یہ اسکرین شاٹ شیئر کیا ہے۔
جیسا کہ اسکرین شاٹ میں دیکھا گیا ہے، فون پر فوٹو ایپ سے ویڈیو منتخب کرتے وقت ‘HD’ آپشن ظاہر ہوتا ہے۔ یہ سہولت صرف ان صارفین کو دستیاب ہوگی جنہوں نے آئی او ایس کے حامل موبائل فون میں نیا ترین وٹس ایب ورژن انسٹال کیا ہو گا۔
ویڈیو بھیجنے کے لیے ڈیفالٹ موڈ ہمیشہ ‘معیاری کوالٹی’ ہوگا، اعلیٰ کوالٹی کی فائلیں بھیجنے کے لیے لوگوں کو اگلا آپشن منتخب کرنا ہوگا یعنی ‘HD کوالٹی’۔
اس خصوصیت کے ساتھ بھیجی گئی کسی بھی ویڈیو کو ‘اعلی معیار کی ویڈیو’ کے طور پر نشان زدہ کیا جائے گا، اور پیغام کے نوٹیفکیشن میں ایک نیا ٹیگ شامل ہو جائے گا، جس سے وصول کنندہ کو مطلع کیا جائے گا کہ اسے موصول ہونے والی ویڈیو فائل بہتر معیار کی ہے۔
یاد رہے کہ وٹس ایپ کی یہ سہولت اسٹیٹس اپ ڈیٹ کے لیے میسر نہیں ہو گی۔ یہ فیچر فی الحال بیٹا ٹیسٹنگ کے مرحلے میں ہے، آنے والے دنوں میں یہ سہولت عام صارفین کو میسر ہو گی۔
