پاکستان میں سونے کی قیمت میں ہزاروں روپے کی کمی

عالمی بلین مارکیٹ میں مندی کے اثرات پاکستان میں بھی نمایاں ہوئے، جہاں ہفتہ کے روز 24 قیراط سونے کی فی تولہ قیمت میں 3,700 روپے کی بڑی کمی ریکارڈ کی گئی۔ چاندی کے نرخ بھی کم ہوگئے، جبکہ عالمی مارکیٹ میں سونے کی قیمت میں بھی کمی دیکھی گئی۔

عالمی منڈی کی مندی، مقامی مارکیٹ میں سونا سستا

آل پاکستان جیمز اینڈ جیولرز ایسوسی ایشن کے مطابق ہفتہ کے روز ملک میں 24 قیراط سونے کی فی تولہ قیمت 3,700 روپے کمی کے بعد 426,736 روپے ہوگئی۔

یہ بھی پڑھیں: ریکارڈ اضافے کے بعد سونے کی قیمتوں میں کمی کا سلسلہ جاری

اسی طرح 10 گرام سونے کی قیمت میں 3,202 روپے کی کمی ریکارڈ کی گئی، جس کے بعد نئی قیمت 365,857 روپے مقرر ہوگئی۔

چاندی کی قیمتوں میں بھی کمی

مقامی مارکیٹ میں چاندی کے نرخ بھی نیچے آگئے۔ فی تولہ چاندی 57 روپے سستی ہوکر 6,237 روپے پر آگئی، جبکہ 10 گرام چاندی کی قیمت 49 روپے کمی کے بعد 5,347 روپے ہوگئی۔

عالمی بلین مارکیٹ کا اثر

ماہرین کے مطابق مقامی مارکیٹ میں سونے کی قیمتوں میں کمی عالمی بلین مارکیٹ کے رجحان کے مطابق سامنے آئی، جہاں سونے کی قیمت گھٹ کر 4,043 ڈالر فی اونس تک پہنچ گئی۔

مزید پڑھیں:پاکستان میں سونے کی قیمتوں میں کمی

سونے کو دنیا بھر میں محفوظ سرمایہ کاری تصور کیا جاتا ہے۔ مہنگائی، سیاسی بے یقینی اور معاشی عدم استحکام کے دوران سرمایہ کار عموماً سونے کا رخ کرتے ہیں، جبکہ عالمی مارکیٹ میں قیمتوں میں اتار چڑھاؤ کے اثرات پاکستان کی مقامی مارکیٹ پر بھی براہِ راست مرتب ہوتے ہیں۔