مظفر گڑھ کے علاقے تھرمل کالونی میں ایک خالی مکان سے 3 کمسن بہنوں کی لاشیں برآمد ہوئی ہیں۔
پولیس کے مطابق یہ واقعہ مظفر گڑھ کی تھرمل کالونی میں پیش آیا جہاں سے تین لڑکیوں کی لاشیں ملیں جو بہنیں ہیں۔
وی نیوز کو مقامی افراد نے بتایا کہ تینوں بچیوں کی لاشیں محلے کے ایک خالی مکان سے ملی ہیں، بتایا گیا ہے کہ یہ تینوں بہنیں گزشتہ رات لاپتا ہوئی تھیں۔
پولیس کے مطابق فرانزک ٹیموں نے موقع پر پہنچ کر تحقیقات شروع کردی ہیں، اہل محلہ سے بھی تفیش کی جارہی ہے۔
تھرمل کالونی کے سیکیورٹی سارجنٹ اعجاز احمد کی تینوں بیٹیوں کی موت سے متعلق پولیس کاکہنا ہےکہ ابتدائی شواہد کے مطابق تینوں بہنوں کو تیز دھارآلے سے گلا کاٹ کر قتل کیا گیا ہے۔
