ملکی معاشی ترقی کا ایک اور تابناک باب رقم ہونے کے قریب ہے۔ اسپیشل انویسٹمنٹ فیسیلیٹیشن کونسل کا اہم جُز “آئی ٹی” نئی جہت کے ساتھ روشن مستقبل کی سمت گامزن ہے۔
اسپیشل انوسٹمنٹ فیسیلیٹیشن کونسل (ایس آئی ایف سی) کے زیر اہتمام سرینا ہوٹل اسلام آباد میں 20 جولائی کو ایک شاندار آئی ٹی سیمینار کا انعقاد کیا جائے گا جس میں بین الاقوامی مندوبین اور سرمایہ کار بھی شرکت کریں گے، سیمینار کے اختتام پر چند اسٹارٹ اپ منصوبوں کا افتتاح بھی کیا جائے گا۔
سیمینار میں گورنر اسٹیٹ بینک، چیئرمن ایف بی آر، خلیجی ممالک، چین اور یورپی یونین کے سفارتکار اور آئی ٹی کے شعبے سے تعلق رکھنے والی کاروباری شخصیات کریں گی۔
سیمینار کا بنیادی مقصد پاکستان میں آئی ٹی کے شعبے کی استعداد اور صلاحیتوں کو عالمی سطح پر اجاگر کرنا ہے تاکہ ملکی سرمایہ کاری کو دوام بخشا جا سکے۔
سیمینار کا انعقاد اسپیشل انویسٹمنٹ فیسیلیٹیشن کونسل کے زیر اہتمام معاشی ترقی کے بحالی منصوبے کی ایک کڑی ہے
یہاں یہ بات قابل ذکر ہے کہ 6 لاکھ سے زائد آئی ٹی ملازمین، 30 سے زائد آئی ٹی پارک اور 190 ممالک میں آئی ٹی برآمدات کی بدولت پاکستان آئی ٹی شعبے میں ابھرنے والے نمایاں ممالک میں شامل ہے۔
اگرچہ پاکستان میں آئی ٹی شعبے سے منسلک برآمدات کی پیداواری قیمت دیگر ممالک کے مقابلے میں 70 فیصد کم ہے تاہم حالیہ کوششیں آئی ٹی شعبے میں انقلاب سمیت ملکی معیشت کے دیگر شعبوں میں بھی ترقی کا باعث بنے گا۔
