بلوچستان ہائیکورٹ نے صوبائی حکومت کے کوآرڈینیٹرز کی تعیناتی غیر قانونی قرار دے دی۔
حکومت بلوچستان کے کوآرڈینیٹرز کی تعیناتیوں کے خلاف بلوچستان ہائیکورٹ میں ایڈووکیٹ آشتر مہک کی درخواست پر چیف جسٹس بلوچستان ہائیکورٹ نعیم اختر افغان کی سربراہی میں بینچ نے سماعت کی، عدالت نے درخواست پر فیصلہ سناتے ہوئے صوبائی حکومت کے کوآرڈینیٹرز کی تقرریاں غیر قانونی قرار دے دیں۔
عدالت نے اپنے فیصلے میں کہا ہے کہ صوبائی حکومت کے کوآرڈینیٹرز کی تعیناتیاں غیر قانونی طریقے سے کی گئیں ہیں۔
عدالت نے بلوچستان کے کوارڈینیٹرز کی تعیناتیاں غیر قانونی قرار دینے کے ساتھ ساتھ ان سے تمام مراعات واپس لینے کے احکامات بھی جاری کیے ہیں۔
واضح رہے کہ بلوچستان حکومت میں 26 کوآرڈینیٹرز اور 2 ترجمان تعینات ہیں۔
