پاکستان میں گزشتہ ہفتے کے دوران ملکی زرمبادلہ کے ذخائر میں 54 کروڑ ڈالر کی کمی ریکارڈ کی گئی ہے۔
اسٹیٹ بینک کی جانب سے جاری اعلامیہ کے مطابق 21 جولائی کو زرمبادلہ کے سرکاری ذخائر میں 54 کروڑ ڈالر کی کمی واقع ہوئی جس کے بعد یہ 8 ارب 18 کروڑ 61 لاکھ ڈالر رہ گئے ہیں۔
مرکزی بینک نے بتایا ہے کہ پاکستان کے کمرشل بینکوں کے پاس اس وقت 5 ارب 34 کروڑ 80 لاکھ ڈالر کے ذخائر موجود ہیں۔
گزشتہ ہفتے کے اختتام پر زر مبادلہ کے ذخائر 13 ارب 53 کروڑ 41 لاکھ ڈالر تھے۔
اسٹیٹ بینک نے بتایا ہے کہ پاکستان کی جانب سے غیرملکی قرضوں کی ادائیگی کی گئی ہے جس کی وجہ سے زرمبادلہ کے سرکاری ذخائر میں کمی واقع ہوئی ہے۔
واضح رہے کہ حال ہی میں پاکستان کا آئی ایم ایف کے ساتھ معاہدہ طے پایا ہے جس کے بعد عالمی مالیاتی ادارے کی جانب سے ایک ارب 20 کروڑ ڈالر کی قسط جاری کر دی گئی ہے۔
