مسلح افواج کے سپہ سالار جنرل سید عاصم منیر نے متحدہ عرب امارات کے صدر شیخ محمد بن زاید آل نہیان سے ملاقات میں ان کے بھائی مرحوم شیخ سعید بن زاید آل نہیان کی وفات پر تعزیت کی ہے۔
پاکستان میں متحدہ عرب امارات کے سفارتخانے نے اپنے ٹوئٹر اکاؤنٹ پر ملاقات کی تصویر شیئر کرتے ہوئے لکھا ہے کہ متحدہ عرب امارات کے صدر عزت مآب شیخ محمد بن زاید آل نہیان نے پاکستانی مسلح افواج کے سپہ سالار جناب جنرل سید عاصم منیر کا استقبال کیا، جنہوں نے مرحوم شیخ سعید بن زاید آل نہیان کی وفات پر تعزیت کی ہے۔
صاحب السمو الشيخ محمد بن زايد آل نهيان، رئيس الدولة "حفظه الله ورعاه" يستقبل الفريق أول عاصم منير قائد الجيش الباكستاني، الذي قدم التعازي في وفاة المغفور له بإذن الله تعالى الشيخ سعيد بن زايد آل نهيان "رحمه الله" pic.twitter.com/5PIE7L7M8k
— UAE Embassy PK (@uaeembassyisb) July 30, 2023
گزشتہ جمعہ کو وزیراعظم پاکستان شہبازشریف نے ابوظہبی کے قصر المشرف میں متحدہ عرب امارات کے صدر سے ملاقات میں اظہار تعزیت اور مرحوم شیخ سعید بن زاید آل نہیان کے لیے مغفرت کی دعا کی تھی۔
پاکستانی وزارت خارجہ نے ایک بیان میں بتایا ہے کہ وزیر خارجہ بلاول بھٹو زرداری جلد متحدہ عرب امارت کا دورہ کریں گے اور متحدہ عرب امارات کے صدر شیخ محمد بن زاید آل نہیان اور دیگر قیادت سے تعزیت کریں گے۔
یاد رہے کہ شیخ سعید بن زاید آل نہیان کی وفات کا اعلان جمعرات کی صبح کرتے ہوئے ملک میں 3 روزہ سوگ کا اعلان کیا گیا تھا۔
