آزادی کپ ٹین پن باﺅلنگ ٹورنامنٹ 9 اگست سے شروع ہوگا، کھلاڑیوں کی رجسٹریشن یکم اگست سے شروع ہوگی۔
پاکستان ٹین پن باولنگ فیڈریشن کے صدر اعجاز الرحمن نے بتایا ہے کہ ٹورنامنٹ پاکستان ٹین پن باولنگ فیڈریشن کے زیر اہتمام 9 اگست سے 14 اگست تک لیڑر سٹی باؤلنگ کلب، جناح پارک، راولپنڈی میں شروع ہوگا۔
انہوں نے بتایا کہ ٹورنامنٹ کی تیاریوں کا آغاز کر دیا گیا ہے، ٹورنامنٹ میں ملک بھر سے مرد اور خواتین کھلاڑی حصہ لیں گی، انہوں نے کہا کہ ٹورنامنٹ میں 8 مختلف کیٹگریز کے مقابلے رکھے گئے ہیں جن میں مینز سنگلز، مینزڈبلز، لیڈیز سنگلز، ایمچور، ڈیف، ٹیم ایونٹ، انٹر یونیورسٹی اور انٹر سکول کیٹگریز کے مقابلے شامل ہیں۔
انہوں نے بتایا کہ ایونٹس میں شرکت کی خواہش رکھنے والے کھلاڑی اپنے ناموں کی رجسٹریشن یکم سے 7 اگست تک کروا سکتے ہیں۔ ٹورنامنٹ کے سیمی فائنل مقابلے 13 اگست کو جبکہ فائنل مقابلے 14 اگست کو کھیلے جائیں گے۔ ٹورنامنٹ کے اختتام پر کامیابی حاصل کرنے والے کھلاڑیوں میں انعامات تقسیم کیے جائیں گے۔
