شمالی وزیرستان میں خصوصی بچوں کے لیے اولمپکس 2023 کے مقابلوں کا انعقاد کیا گیا۔ پاک فوج کے زیر اہتمام ہونے والے مقابلوں میں خصوصی بچوں نے کرکٹ، فٹبال، ویٹ لفٹنگ، رسہ کشی سمیت مختلف کھیلوں میں اپنے جوہر دکھائے۔ فاتح کھلاڑیوں میں نقد انعامات، میڈلز اور ٹرافیاں بھی تقسیم کی گئیں۔
خصوصی بچوں کی کثیر تعداد نے شمالی وزیرستان اولمپکس 2023 کے دوران کرکٹ، فٹبال، بیڈمنٹن، لڈو، ویٹ لفٹنگ، رسہ کشی، میوزیکل چیئر، سیک ریسنگ اور اسکیچنگ کے مقابلوں میں حصہ لیا۔ رنگا رنگ مقابلے دیکھنے کے لیے بڑی تعداد میں عسکری و سول حکام سمیت علاقے کی اہم شخصیات نے شرکت کی۔
کرکٹ کا فائنل میرانشاہ تھنڈرز نے اپنے نام کیا جبکہ فٹبال میں میر علی ٹائیگر فاتح قرار پائی جبکہ بیڈمنٹن کے مقابلوں میں شمالی وزیرستان یونائٹیڈ نے اول پوزیشن حاصل کی۔
مزید پڑھیں
مہمان خصوصی نے حوصلہ افزائی کے لیے اعلیٰ کارکردگی دکھانے والوں میں نقد انعامات، میڈلز اور ٹرافیاں بھی تقسیم کی گئیں۔ خصوصی بچوں اور اہل علاقہ نے اس طرح کے مقابلے مستقل طور پر منعقد کرنے کی خواہش کا اظہار کرتے ہوئے پاک فوج کا شکریہ ادا کیا۔
