سیاسی رہنما یا پارٹی لیڈر سے وابستگی اور محبت انسان سے بہت کچھ کراتی ہے۔ اس مرتبہ کچھ ایسا ہی معاملہ خیبرپختونخوا کے رہائشی نوجوانوں کے ساتھ ہوتا دکھائی دیا ہے۔
سوشل ٹائم لائنز پر شیئر کی گئی ایک مختصر دورانیے کی ویڈیو میں چند نوجوان پاکستان اور تحریک انصاف کے جھنڈے تھامے دریا میں بہتے دکھائے گئے ہیں۔
ویڈیو کے مقام اور تاریخ سے متعلق مصدقہ معلومات کی عدم موجودگی کے باوجود نمایاں ہے کہ تیزی سے بہتے دریا میں بہاؤ کے رخ پر بہنے والے نوجوانوں کے ہاتھ میں تحریک انصاف کے پرچم موجود ہیں۔
عمران خان کے حق میں سیلابی ریلی 🙂 pic.twitter.com/wsZW4VSyVx
— Khurrram Shahzad (@KhurramShahzPK) August 7, 2023
ویڈیو شیئر کرنے والوں نے اس کے ساتھ دیے گئے کیپشنز میں جہاں نوجوانوں کو خطرناک ایڈونچر سے باز رہنے کا مشورہ دیا وہیں اس عمل کو ’عمران خان کے حق میں سیلابی ریلی‘ جیسے کیپشنز بھی دیے۔
تحریک انصاف کے سربراہ عمران خان کو اسلام آباد کی عدالت کے فیصلے کے بعد لاہور میں ان کی رہائش گاہ سے گرفتار کر کے اٹک جیل منتقل کیا گیا ہے۔
