سابق وزیر خزانہ شوکت ترین کیخلاف آڈیو لیک معاملے پر مقدمہ درج کرلیا گیا،مقدمے میں تیمور سلیم جھگڑا اورمحسن لغاری کو بھی نامزد کیا گیا ہے۔
میڈیا رپورٹس کے مطابق آڈیو لیک معاملے پر ایف آئی اے سائبر کرائم ونگ نے شوکت ترین کیخلاف مقدمہ درج کرلیا، شوکت ترین کیخلاف مقدمہ پیکا ایکٹ کے تحت درج کیا گیا۔ شوکت ترین کے خلاف مقدمے کا مدعی ارشد محمود ولد غلام سرور ہے۔
ایف آئی آر میں کہا گیا ہے کہ مبینہ آڈیو میں تیمور سلیم جھگڑا ور محسن لغاری سے شوکت ترین گفتگو کررہے ہیں، مبینہ آڈیو میں بدنیتی پر مبنی گفتگو کی گئی، ایف آئی آر میں کہا گیاہے کہ مبینہ آڈیو میں شوکت ترین نے محسن لغاری کو کہا کہ وفاقی حکومت کو سرپلس بجٹ واپس نہ کیا جائے۔
شوکت ترین کے خلاف مقدمہ بغاوت اور اشتعال انگیزی کے تحت دفعات کے تحت درج کیا گیا، شوکت ترین پر مقدمہ ان کی سوشل میڈیا پر وائرل مبینہ آڈیو پر درج کیا گیا۔
یاد رہے کہ اگست 2022ء میں شوکت ترین ، تیمور جھگڑا، محسن لغاری کی آڈیو منظر عام پر آئی تھی، آڈیو میں پاکستان آئی ایم ڈیل رکوانے کی باتیں کی گئیں تھیں۔
