ڈالر کی قدر میں مزید اضافہ: انٹر بینک میں قیمت کیا رہی؟

پاکستان کی انٹربینک مارکیٹ میں روپے کے مقابلے میں امریکی ڈالر کی قدر میں مسلسل اضافہ دیکھنے میں آ رہا ہے۔

امریکی ڈالر پاکستانی روپے کے مقابلے میں انٹربینک میں 3 روپے 42 پیسےمہنگا ہوگیا ہے۔

حالیہ تبدیلی کے بعد انٹربینک میں ڈالر 294 روپے 93 پیسے کا ہو گیا جبکہ  گزشتہ روز ڈالر کی قدر 291 روپے 51 پیسے رہی تھی۔

اسٹیٹ بینک آف پاکستان کی کرنسی ایکسچینج رپورٹ کے مطابق سعودی ریال 78.64 روپے، اماراتی درہم 80.29 روپے، قطری ریال 80.91 روپے، کویتی دینار958.62 روپے اور بحرینی دینار 782.42 روپے کا رہا۔

انٹربینک میں آسٹریلین ڈالر کی قدر 191 روپے 02 پیسے، کینیڈین ڈالر 218 روپے 78 پیسے اور برطانوی پاؤنڈ 376 روپے 12 پیسے ریکارڈ کی گئی۔