آئی ایم ایف کی شرائط کے بعد مطلوبہ ٹیکس اہداف حاصل کرنے کے لیے وفاقی حکومت نے مختلف شعبوں اور اشیاء پر ٹیکس عائد کرنا شروع کر دیا ہے۔
اس حوالے سے گیس اور بجلی کے نرخوں میں اضافے کے بعد سگریٹ پر عائد ایکسائز ڈیوٹی میں غیر معمولی اضافہ کر دیا گیا ہے۔
ایف بی آر کی جانب سے جاری نوٹیفیکیشن کے مطابق 9 روپے سے کم قیمت کی فی سگریٹ پر 5 روپے 5 پیسے جبکہ 9 روپے سے زائد قیمت کی فی سگریٹ پر 16.5 روپے ایکسائز ڈیوٹی عائد کی گئی ہے۔
ایف بی آر کے نوٹیفکیشن کے مطابق ایک ہزار سگریٹ کی قیمت 9 ہزار یا کم ہونے پر 5 ہزار 50 روپے جبکہ ایک ہزار سگریٹ کی قیمت 9 ہزار سے زائد ہونے پر 16500 روپے ایکسائز ڈیوٹی عائد کی گئی ہے
