سماجی رابطوں کی ویب سائٹس پر بھارتی وزیر اعظم نریندرا مودی کی ایک تصویر اس وقت وائرل ہے جس میں دیکھا جا سکتا ہے کہ وہ ایک موچی کی دکان پر کھڑے ہیں اور جھک کر اس موچی سے بات چیت کر رہے ہیں۔
اس تصویر کی خاص بات یہ ہے کہ موچی کی دکان میں ریڈ کارپٹ پچھا ہوا ہے جبکہ موچی نے بہت اچھا لباس زیب تن کیا ہوا ہے۔
تصویر وائرل ہوئی تو جہاں صارفین حیران نظر آئے کہ موچی کی دکان میں ریڈ کارپٹ کس نے بچھایا وہیں کچھ صارفین نے بھارتی وزیر اعظم نریندرا مودی کو خوب آڑے ہاتھوں لیا۔
بھارتی کالم نگار اشوک سوین نے تصویر پوسٹ کرتے ہوئے لکھا ہندوستان کو تو بھول جائیں، دنیا میں کہاں موچی کی دکان میں سرخ قالین بچھائی جاتی ہے؟
Forget India, where in the world a cobbler's place is red carpeted? pic.twitter.com/2vFi6FljQa
— Ashok Swain (@ashoswai) September 19, 2023
اشوک سوین نے تصویر پوسٹ کی صارفین نے تبصروں تجزیوں کا ایک انبار لگا دیا، جہاں صارفین نے اس تصویر کو محض ایک فوٹو شوٹ قرار دیا وہیں کچھ صارفین یہ سوال بھی پوچھتے نظر آئے کہ موچی کو تھری پیس سوٹ کس نے پہننے کو دیا؟
اسی حوالے سے ایک صارف نے تبصرہ کرتے ہوئے لکھا فوٹو شوٹ، بھارتی وزیراعظم کے پروٹوکول کے لیے موچی کی دکان پر بھی ریڈکارپٹ بچھایاگیا۔ جتنی دیر یہ یہاں موجود رہے غریب موچی کی دیہاڑی بھی ماری گئی۔
فوٹو شوٹ۔۔۔۔۔۔ بھارتی وزیراعظم پروٹوکول کے لیے موچی کی دکان پر بھی ریڈکارپٹ بچھایاگیا۔۔ جتنی دیر یہ یہاں موجود رہے غریب موچی کی دیہاڑی بھی ماری گئی
— Hasnain khawaja (@hasnain_kh) September 20, 2023
ایک اور صارف نے اشوک سوین کو مزاحیہ انداز میں جواب دیتے ہوئے لکھا ایسا صرف آسکرز میں ہوتا ہے جب وہ بہترین جوتوں کی مرمت کا ایوارڈ دے رہے ہوتے ہیں۔
At the Oscars, when they're giving out the award for Best Shoe Repair.🤣🤣
— SNM_AI💙🎯 (@Shaik_AI) September 19, 2023
پاکستان اور بھارت کے سیاست دانوں کا موازنہ کرتے ہوئے ایک صارف نے لکھا مسخرے دونوں طرف ایک جیسے ہیں۔
مسخرے دونوں طرف ایک جیسے ہیں
— Beep (@Aishez_) September 20, 2023
ایک اور صارف نے طنز کرتے ہوئے لکھا انڈیا چاند پر کیا پہنچا ہر چیز میں ترقی کرلی ہے۔
Your india reach to moon ab har cheez advance ho gayi.hain 😂😂😂😂😂
— Aisha khan 🇵🇰 (@ayesha_aishu8) September 19, 2023
صارفین کا کہنا تھا کہ یہ وہی شخص ہے جو کچھ دیر پہلے ایک برتن بنانے والا بن کر تصویر کھینچوا رہا تھا، بھارتی وزیر اعظم کو چاہیے کہ وہ دنیا کو بھارت کا اصل چہرہ دیکھنے دیں۔
