بالی ووڈ کنگ شاہ رخ خان نے کہا ہے کہ انہیں اداکارہ دیپیکا پڈوکون کے ساتھ کام کرنا ہمیشہ اچھا لگتا ہے۔
شاہ رخ خان نے اپنی ایکش تھرلر فلم ’جوان‘ کی بے مثال کامیابی کے بعد حال ہی میں سماجی رابطے کی ویب سائٹ ’ایکس‘ پر اپنا مشہور ’آسک ایس آر کے‘ سیشن منعقد کیا جس کے دوران انہوں نے اپنے مداحوں کے کئی سوالات کے جوابات دیے۔
ایک مداح نے ان سے پوچھا دیپیکا کے ساتھ 7ویں بار سیٹ پر کام کرنا کیسا رہا؟ جس پر کنگ خان نے جواب دیا، ’ ان کے ساتھ کام کرنا ہمیشہ اچھا لگتا ہے اور خوشی ہوتی ہے۔‘
It’s always a pleasure and happiness working with her. https://t.co/zdb8pC2VNx
— Shah Rukh Khan (@iamsrk) September 22, 2023
سیشن کے دوران ایک صارف نے شاہ رخ خان سے سوال کیا کہ فلم ’جوان‘ دیکھنے کے بعد ان کے بیٹے ابرام کا کیسا رد عمل تھا؟ جس پر شاہ رخ خان نے جواب دیا، ’باپ باپ ہوتا ہے، نہیں نہیں یہ صرف مذاق تھا، اسے فلم کے کلائمیکس میں (میری) دیوقامت آدمی سے لڑائی پسند آئی‘۔
Baap Baap hota hai..!! No no just joking. He loved the fight with the Big guy….he loved it in the climax. #Jawan https://t.co/q2L3plzaJn
— Shah Rukh Khan (@iamsrk) September 22, 2023
ایک اور صارف نے سوال کیا کہ انہیں فلم ’جوان‘ میں وکرم اور آزاد میں سے کونسا کردار زیادہ پسند آیا جس پر شاہ رخ خان نے جواب دیا، ’ارے کیسے چنیں؟ مجھے سچ میں یہ پسند آیا کہ وہ دونوں ایک دوسرے کو گرمجوشی سے گلے ملتے ہیں اور حتیٰ کہ ایسا کرتے ہوئے ایک دوسرے کو چومتے بھی ہیں۔‘
Arre how to choose. I loved the fact that they both hug warmly even when they do to each other and kiss when they hug. #Jawan https://t.co/lqQd4IqLvj
— Shah Rukh Khan (@iamsrk) September 22, 2023
بالی ووڈ سپر اسٹار شاہ رخ خان کی فلم ’جوان‘ انڈیا میں ہی نہیں بلکہ انٹرنیشنل باکس آفس پر بھی راج کر رہی ہے۔ شائقین کی جانب سے اس فلم کو زبردست رد عمل ملا ہے اور یہ بالی ووڈ کی چوتھی سب سے زیادہ کمائی کرنے والی ہندی فلم بن گئی ہے۔
مزید پڑھیں
صرف جمعرات کو فلم ’جوان‘ نے 7.25 کروڑ روپے کمائے جبکہ دو ہفتے میں اس کی کل آمدن 474 کروڑ روپے کے قریب پہنچ چکی ہے۔