سابق وزیر داخلہ رانا ثناء اللہ نے کہا ہے کہ 30 اکتوبر کو نواز شریف واپس آ رہے ہیں، نواز شریف واپس آ کر ملک کو درپش مسائل کا حل بتائیں گے، نواز شریف کو سازش سے نکالا گیا تھا، اب ایک مرتبہ پھر قوم ان کو مینڈیٹ دے تو وہ ملک کو خوشحالی کی طرف لے جائیں گے اور 28 جولائی 2017 سے ہی ترقی کا سفر شروع ہو گا۔
اسلام آباد میں میڈیا سے گفتگو کرتے ہوئے سابق وزیر داخلہ رانا ثناء اللہ نے کہا ہے کہ عمران خان قومی و دفاعی املاک پر حملہ آور ہوئے، اب کہا جا رہا ہے کہ الیکشن میں حصہ نہ لینے دیا گیا تو زیادتی ہو گی۔
رانا ثناء اللہ نے کہا کہ ایک آدمی 9 مئی کو ملک کی املاک اور دفاعی تنصیابات پر حملہ آور ہوتا ہے اور شہداء کی یادگاروں کو جلایا،جناح ہاؤس کو جلایا گیا کیا اس کی تفتیش اللہ دتہ تھانیدار نے کرنی ہے۔ جن لوگوں نے جرم کیا ہے وہ حساب بھی دے گی۔
انہوں نے کہا کہ سابق دور حکومت میں سیکیورٹی اداروں نے کہا کہ بھارت پاکستان پر میزائل حملہ کرنا چاہتا ہے، ہمارا وزیر اعظم عمران خان مودی کو فون کر رہا ہے مودی فون نہیں اٹھا رہا۔
رانا ثناء کے مطابق سیکیورٹی اداروں نے کہا کہ ہم بھارت کے گھناؤنے منصوبے سے پوری قوم کو آگاہ کرنا چاہتے ہیں، سیکیورٹی اداروں نے کہا کہ تمام پارٹیز کے سینئر لوگ آئیں ہم ان کو بریفنگ دینا چاہتے ہیں۔
سابق وزیر داخلہ کے مطابق اس کے بعد قومی اسمبلی کے ہال میں تمام جماعتوں کے سینئر رہنما جمع تھے، سامنے تین کرسیاں لگی ہوئی تھیں، ایک کے اوپر چیئرمین سینیٹ، ایک کے اوپر اسپیکر قومی اسمبلی اور درمیان والی خالی تھی، ڈیڑھ گھنٹہ انتظار ہوتا رہا، ساتھ والے کمرے میں وزیر اعظم عمران خان موجود تھے، آرمی چیف جنرل قمر جاوید باجوہ اور ڈی جی آئی ایس پی آر آصف غفور ان کو کہتے رہے کہ آپ چلیں اور اجلاس کی صدارت کریں۔
’عمران خان نے ڈی جی آئی ایس پی آر اور آرمی چیف کو کہا کہ میں اگر اجلاس میں گیا تو مجھے تو اپوزیشن والوں کے ساتھ ہاتھ ملایا پڑا تھا، میں ان کے ساتھ ہاتھ نہیں ملا سکتا، یہ وہ تکبر تھا جس کا عمران خان شکار ہوا۔‘
انہوں نے نواز شریف 21 اکتوبر کو ہی واپس آئیں گے اور ملکی مسائل کا حل بتائیں گے۔
