بھارت کی مشہور اداکارہ و ماڈل اروشی روٹیلا کا سونے کا بنا انتہائی مہنگا ’آئی فون‘ پاک بھارت میچ کے دوران گم ہو گیا، بھارتی اداکارہ اب سوشل میڈیا کے ذریعے تماشائیوں سے اپیل کر رہی ہیں کہ ان کا فون جس کسی کو ملے وہ انہیں واپس کر دے۔
📱 Lost my 24 carat real gold i phone at Narendra Modi Stadium, Ahmedabad! 🏟️ If anyone comes across it, please help. Contact me ASAP! 🙏 #LostPhone #AhmedabadStadium #HelpNeeded #indvspak@modistadium @ahmedabadpolice
Tag someone who can help pic.twitter.com/2OsrSwBuba— URVASHI RAUTELA🇮🇳 (@UrvashiRautela) October 15, 2023
سماجی رابطے کی ویب سائٹ ’ایکس‘ پر اور انسٹاگرام پر اپنی ایک پوسٹ میں بھارتی شہر احمد آبادکے نریندرا مودی اسٹیڈیم میں پاک بھارت میچ دیکھنے آئی ماڈل و اداکارہ اروشی روٹیلا نے لکھا ہے کہ پاک بھارت میچ کے دوران ان کا 24 قیراط سونے سے بنا آئی فون کہیں کھوگیاہے۔
پوسٹ میں اروشی روٹیلا نے اپنے مداحوں اور کرکٹ اسٹیڈیم میں موجود تماشائیوں کے لیے لکھا کہ میں نے ’نریندرا مودی اسٹیڈیم احمد آباد میں 24 قیراط گولڈ والا آئی فون کھو دیا ہے! اگر کسی کو یہ فون نظر آجائے یا ملے تو برائے مہربانی میری مدد کرتے ہوئے مجھ سے جلد از جلد رابطہ کرے۔انہوں نے پوسٹ میں مداحوں سے مدد کی بھی درخواست کی ہے۔
اروشی روٹیلا نے احمد آباد پولیس اسٹیشن پر اپنے گولڈن آئی فون کی گمشدگی کی فرسٹ انفارمیشن رپورٹ (ایف آئی آر) بھی درج کرائی ہے، جس میں انہوں نے پولیس سے درخواست کی ہے کہ ان کا 24 قیراط سونے کا بنا آئی فون میچ کے دوران گم ہو گیا ہے جس کی تلاش میں ان کی مدد کی جائے۔
