ورلڈ کپ 2023 کے 27 ویں میچ میں آسٹریلیا نے انتہائی سنسی خیز مقابلے کے بعد نیوزی لینڈ کو 5 وکٹوں سے شکست دے دی ہے۔ آسٹریلیا کے 388 رنز کے تعاقب میں نیوزی لینڈ نے مقررہ 50 اوورز میں 383 رنز اسکور کیے۔
بھارت میں جاری آئی سی سی مینز کرکٹ ورلڈ کپ سپر فور مرحلے کے 27ویں میچ میں نیوزی لینڈ اور آسٹریلیا دھرم شالہ کرکٹ اسٹیڈیم میں آمنے سامنے ہیں۔ نیوزی لینڈ نے ٹاس جیت کر آسٹریلیا کو بیٹنگ کی دعوت دی تھی۔ آسٹریلیا کی پوری ٹیم 49.2 اوورز میں 388 رنز بنا کر آؤٹ ہوگئی ۔
آسٹریلیا کے 388 رنز کے تعاقب میں نیوزی لینڈ نے اننگز کا آغاز کیا تو اس کے اوپنر بیٹرز خاطر خواہ کارکردگی نہ دکھا سکے، دونوں اوپنر بیٹر محض 60 رنز کا اضافہ کر کے آؤٹ ہو گئے۔
نیوزی لینڈ کی پہلی وکٹ61 کے مجموعی اسکور پر گری جب ڈیون کونوے 7.2 اوورز میں 28 رنز بنا کر ہزلےووڈ کی گیند پر اسٹار کے ہاتھوں کیچ آؤٹ ہو گئے، جب کہ ان کے ساتھی اوپنر بیٹر ول ینگ 72 کے مجموعی اسکور پر 32 رنز بنا کر ہزلے ووڈ کی گیند پر ہی مچل اسٹارک کے ہاتھوں کیچ آؤٹ ہوئے۔
نیوزی لینڈ کی تیسری وکٹ 9.4 اوورز میں 168 کے مجموعی اسکور پر گری جب ڈیرل مچل 6 چوکوں اور ایک چھکے کی مدد سے 54 رنز بنا کر زیمپا کی گیند پر مچل اسٹارک کے ہاتھوں کیچ آؤٹ ہو کر پویلین لوٹ گئے۔
نیوزی لینڈ کی چوتھی وکٹ 31.2 اوورز میں 222 کے مجموعی اسکور پر گری جب ٹام لیتھم 21 رنز بنا کر زیمپا کی گیند پر ہزلے ووڈ کے ہاتھوں کیچ آؤٹ ہو گئے۔
نیوزی لینڈ کی پانچویں وکٹ 36.6 اوورز میں 265 کے مجموعی اسکور پر گری جب گلن فلپس 12 رنز بنا کر میکسول کی گیند پر لابسچگنے کے ہاتھوں کیچ آؤٹ ہو گئے۔
چھٹی وکٹ 293 کے مجموعی اسکور پر گری جب راچن رویندرا انتہائی عمدہ اننگز کھیلنے کے بعد 9 چوکوں اور 5 چھکوں کی مدد سے 89 گیندوں پر 116 رنز بنا کر کومنس کی گیند پر لابسچگنے کے ہاتھوں کیچ آؤٹ ہو گئے، وہ نیوزی لینڈ کی طرف سے ٹاپ اسکور بھی رہے۔
نیوزی لینڈ کی ساتویں وکٹ 320 کے مجموعی اسکور پر گری جب مچل سینٹنر محض 117 رنز بنا کر زیمپا کی گیند پر میکسول کے ہاتھوں کیچ آؤٹ ہو گئے۔
آٹھویں وکٹ 346 کے مجموعی اسکور پر گری جب میٹ ہنری محض 9 رنز بنا کر کومنس کی گیند پر ہزلے ووڈ کے ہاتھوں کیچ آؤٹ ہوئے، یہ وہ موقع تھا جب دوسری جانب جیمز نیشیم نے کھیل کو انتہائی دلچسپ مرحلے میں ڈال دیا تھا۔
اس وقت میچ آسٹریلیا کی گرفت سے نکلتا ہوا نظر آ رہا تھا کہ رنز لیتے ہوئے جیمز نیشیم 3 چوکوں اور 3 چھکے کی مدد سے 39 گیندوں پر 58 رنز کی جارحانہ اننگز کھیلنے کے بعد رن آؤٹ ہو گئے، اس وقت 3 گیندوں پر نیوزی لینڈ کو 7 رنز درکار تھے، ٹرنٹ بولٹ نے 10 جب کہ لوکی فرگوسن بغیر کوئی رنز بنائے ناٹ آؤٹ رہے، یوں آسٹریلیا نے نیوزی لینڈ سے یہ میچ 5 رنز سے جیت لیا۔
آسٹریلیا کی دھواں دھار بیٹنگ
آسٹریلیا کی پہلی وکٹ 175 رنز پر گری جب اوپنر ڈیوڈ وارنر 65 بالز پر 81 رنز بنا کر آؤٹ ہوئے۔ دوسری وکٹ 200 رنز پر گری جب ٹریوس ہیڈ 67 بالز پر 109 رنز بنا کر آؤٹ ہوئے۔ سٹیو سمتھ آؤٹ ہونے والے تیسرے کھلاڑی تھے جنہوں نے 17 بالز پر 18 رنز بنائے۔ چوتھی وکٹ 264 رنز پر گری جب مچل مارش 51 بالز پر 36 رنز بنا کر آؤٹ ہوئے۔
پانچویں وکٹ 274 پر گری جب مارنس لیبوشینگ 26 بالز پر 18 رنز بنا کر کیچ آؤٹ ہوئے۔ چھٹی وکٹ 325 کے اسکور پر گری جب گلین میکسویل 24 بالز پر 41 رنز بنا کر کیچ آؤٹ ہوئے۔ ساتویں وکٹ 387 کے اسکور پر گری جب جوش انگلیس 28 بالز پر 38 رنز بنا کر کیچ آؤٹ ہوئے۔ آٹھویں وکٹ 388 کے اسکور پر گری جب پیٹ کمنز 14 بالز پر 37 رنز بنا کر ایل بی ڈبلیو ہوئے۔ نویں اور دسویں وکٹس بھی 388 کے اسکور پر گریں جب زامپا، اور مچل سٹارک بالترتیب صفر اور ایک رنز بنا کر آوٹ ہوگئے۔
نیوزی لینڈ کے کپتان ٹام لیتھم نے ٹاس جیت کر پہلے فیلڈنگ کرنے کا فیصلہ کیا اور کہا کہ میچ میں کامیابی سمیٹ کر سیمی فائنل کھیلنے کی راہ ہموار کرنا چاہتے ہیں۔ پلئینگ الیون میں ایک تبدیلی کی گئی ہے، مارک چیپ مین کی جگہ جیمز نیشم کو شامل کیا گیا ہے۔ آسٹریلیا کی ٹیم میں بھی ایک تبدیلی کی گئی ہے اور مارکس سٹونس کی جگہ ٹریوس ہیڈ کو کھیلایا گیا ہے۔
اس موقع پر آسٹریلوی کپتان پیٹ کمنز نے کہا کہ کھلاڑی فارم میں ہیں، مسلسل 2 میچوں میں کامیابی سے اعتماد بحال ہوا ہے، میچ میں جیت حاصل کرنا چاہتے ہیں۔
ہیڈ ٹو ہیڈ میچز کا ریکارڈ
دونوں ٹیمیں ایک روزہ میچز میں اب تک 141 بار ایک دوسرے کے آمنے سامنے آئی ہیں جن میں آسٹریلیا کی ٹیم نے 95 جبکہ نیوزی لینڈ کی ٹیم نے 39 میچز جیتے ہیں۔ دونوں ٹیموں کے مابین07 میچ بغیر نتیجہ رہے۔
پچ رپورٹ
ہماچل پردیش کرکٹ ایسوسی ایشن اسٹیڈیم، دھرم شالہ کی پچ بیٹرز کے لیے سازگاربتائی گئی ہے، تاہم اس پچ پر تیز بولرز کو شروع کے 10 اوورز میں مدد ملے گی۔
اس میدان میں رواں ورلڈ کپ میں اب تک 04 میچز کھیلے جا چکے ہیں اور ٹاس جیتنے والی ٹیم نے دوسری ٹیم کو پہلے بیٹنگ کرنے کی دعوت دی ہے۔
موسم کی صورتحال
آج میچ کے دوران دھرم شالہ میں زیادہ سے زیادہ درجہ حرارت 21 ڈگری سینٹی گریڈ رہے گا جبکہ بارش کا کوئی امکان نہیں۔
پوائنٹس ٹیبل کی صورتحال
نیوزی لینڈ کی ٹیم آئی سی سی مینز ورلڈ کپ 2023 کی پوائنٹس ٹیبل پر 08 پوائنٹس کے ساتھ تیسری جبکہ آسٹریلین ٹیم 06 پوائنٹس کے ساتھ چوتھی پوزیشن پر موجود ہے۔
جنوبی افریقہ کی ٹیم 10 پوائنٹس لے کر پہلی پوزیشن پر براجمان ہے۔
آسٹریلیا کی پلیئنگ الیون
پیٹ کمنز (کپتان)، ڈیوڈ وارنر، اسٹیون اسمتھ، جوش انگلیس، جوش ہیزل ووڈ، ٹریوس ہیڈ، مارنس لیبوشینگ، مچل مارش، گلین میکسویل، ڈیوڈ وارنر، ایڈم زمپا، مچل اسٹارک۔
نیوزی لینڈ کی پلیئنگ الیون
ٹرینٹ بولٹ، ڈیون کونوے، لوکی فرگوسن، میٹ ہنری، کپتان ٹام لیتھم، ڈیرل مچل، جمی نیشم، گلین فلپس، ریچن رویندرا، مچل سینٹنر، ول ینگ۔
