بلوچستان کے ضلع مستونگ میں کاؤنٹر ٹیرارزم ڈیپارٹمنٹ (سی ٹی ڈی) نے آپریشن کیا ہے اور اس دوران 3 مبینہ حملہ آور ہلاک ہو گئے ہیں۔
ترجمان سی ٹی ڈی نے بتایا ہے کہ چھاپے کے دوران حملہ آوروں کے ساتھ فائرنگ کا تبادلہ ہوا۔
ترجمان کے مطابق آپریشن مستونگ کے علاقے کانک میں کیا گیا اور مارے گئے حملہ آوروں کا تعلق کالعدم تنظیم سے ہے۔
سی ٹی ڈی ترجمان نے بتایا کہ مارے گئے حملہ آوروں کے قبضے سے اسلحہ و گولہ بارود برآمد ہوا ہے، ملزمان متعدد کارروائیوں میں ملوث رہے ہیں۔