پاکستان سپر لیگ میں اتوار کو لاہور قلندرز اور پشاور زلمی کے درمیان کھیلے گئے میچ میں فاسٹ باولر شاہین آفریدی نے مخالف ٹیم کے بلے بازوں کو ناکوں چنے چبوائے ۔ شاہین شاہ آفریدی نئی گیند کے ساتھ خطرناک باولنگ اور پہلے ہی اوور میں وکٹس اڑانے کے لیے مشہور ہیں اور اسی روش کو برقرار رکھتے ہوئے انہوں نے پشاور زلمی کے بلے باز محمد حارث کو ایک تیز گیند کرواتے ہوئے ان کا بلا توڑ ڈالا اور اگلی ہی گیند پر انہوں نے محمد حارث کو کلین بولڈ کر کے پولین کا راستہ دیکھایا۔
پاکستان سپر لیگ کے آفیشل ٹویٹر اکاونٹ سے شاہین شاہ آفریدی کے خوبصورت یارکرز کی ویڈیو پوسٹ کرتے ہوئے لکھا پہلی بال پر بیٹ توڑ ڈالا، دوسری بال پر سٹیمپس اڑا دیے ، پیس تو پیس ہے یار
First ball: Bat broken ⚡
Second ball: Stumps rattled 🎯PACE IS PACE, YAAR 🔥🔥#HBLPSL8 | #SabSitarayHumaray | #LQvPZ pic.twitter.com/VetxGXVZqY
— PakistanSuperLeague (@thePSLt20) February 26, 2023
شائقین کرکٹ شاہین آفریدی اور بابر اعظم کے ٹاکرے کا بھی بے چینی سے انتظار کر رہے تھے تاہم اپنے تیسرے اوور میں شاہین نے بابر اعظم کو بھی کلین بولڈ کر دیا جس کے بعد سماجی رابطوں کی ویب سائٹس پر شاہین آفریدی کے مداحوں نے ان کی خوب تعریف کی۔
کرکٹ پاکستان نے ویڈیو پوسٹ کرتے ہوئے لکھا بابر بمقابلہ شاہین
Shaheen Afridi vs Babar Azam 👑
Shaheen had the last laugh 👏#LQvsPZpic.twitter.com/sbt5AbBLVV
— Cricket Pakistan (@cricketpakcompk) February 26, 2023
اتوار کو شاہین آفریدی کی جانب سے تباہ کن باولنگ کے بعد سماجی رابطوں کی ویب سائٹس پر نہ صرف پاکستانی مداح ان کی تعریف کرتے ہوئے نظر آئے بلکہ پڑوسی ممالک سے بھی شائقین کرکٹ ان کی تعریف میں پیش پیش تھے
انڈین سپورٹس جرنسلٹ ایونش اریان نے لکھا جب شاہین اچھی بولنگ کرتے ہیں تو پاکستانی اچھی نیند سوتے ہیں۔پاکستان خوش قسمت ہے کہ ان کی ٹیم میں شاہین آفریدی جیسا بولر ہے۔ وہ پہلے ہی آئی سی سی کرکٹر آف دی ایئر ایوارڈ 2021 جیت چکے ہیں۔کمال ہے دی ایگل
When Shaheen bowls Well, Pakistan sleeps well.
Pakistan is lucky to have bowler like Shaheen Afridi in their team. He has already won ICC CRICKETER OF THE YEAR AWARD 2021.
Kamal hai THE EAGLE 🦅 #PSL2023 pic.twitter.com/FG2kGb7dLb
— Avinash Aryan (@AvinashArya09) February 26, 2023
کچھ صارفین شاہین کی عمدہ گیند بازی کے بعد فکرمند بھی نظر آئے کہ انہیں نظر نہ لگ جائے اسی حوالے سے ایک صارف نے لکھا ہمارے لڑکے کو نظر لگ جاتی ہے۔
Need to do this everywhere ni to hmary lrky ko nazar lg jati hai😭🥹 pic.twitter.com/mpl9maLz8Z
— Syeda Hijab Sherazi🦋 (@Hijabsyed2) February 26, 2023
گفتگو مزید آگے بڑھی تو صارفین نے شاہین آفریدی کو شکاری سے تشبیہ دی اور لکھا کہ شاہین شکار پر آیا ہے۔
Eagle 🦅on Hunt#ShaheenAfridi #PSL2023 #LQvsPZ pic.twitter.com/dTra1WBrBk
— Salman Khan (@SalmanKhan3716) February 27, 2023
یاد رہے کہ پاکستان سپر لیگ (پی ایس ایل) کے اتوار کو کھیلے گئے دوسرے میچ میں لاہور قلندرز نے پشاور زلمی کو 40 رنز سے ہزار دیا۔
قذافی سٹیڈیم میں کھیلے گئے میچ میں پشاور زلمی کی ٹیم نے قلندرز کی جانب سے دیے گئے 242 رنز کے ہدف کے تعاقب میں مقررہ 20 اوورز میں نو وکٹوں کے نقصان پر 201 رنز بنا پائی۔۔