پاکستان کرکٹ ٹیم کے سابق فاسٹ بولر محمد عامر اور کپتان بابر اعظم کی آپسی رنجش کسی سے ڈھکی چھپی نہیں ہے، جہاں محمد عامر کو لگتا ہے کہ بابر اعظم ان کو ٹیم میں نہیں رکھنا چاہتے وہیں ورلڈ کپ میں بری پرفامنس پر محمد عامر نے بابر اعظم کو خوب تنقید کا نشانہ بھی بنایا ہے۔
نجی ٹی وی پر گفتگو کے دوران محمد عامر کا کہنا تھا کہ سسٹم کبھی نہیں بدلتا، کپتان ہی ہے، جس نے اپنا مائنڈ سیٹ بدلنا ہوتا ہے جب تک کپتان کا مائنڈ سیٹ نہیں بدلے گا، سسٹم کچھ نہیں کر سکتا۔
اسی گفتگو کے دوران ناظرین میں بیٹھے ایک مداح نے محمد عامر سے سوال کر ڈالا کہ اگر وہ ٹیم میں سیلکٹ ہوجاتے ہیں تو کیا وہ بابر اعظم کو کیا کہ کر بلائیں گے ؟ بابر اعظم یا بوبسی دا کنگ؟
مداح کا سوال محمد عامر کو کچھ خاص پسند نہیں آیا اور انہوں نے طنزیہ لہجے میں کہا میری نظر میں اب آپ نکل آئیں بابر اعظم سے، پاکستان کی ٹیم بابر کی ٹیم نہیں ہے اس میں پندرہ کھلاڑی اور بھی ہیں۔
انہوں نے مزید کہا کہ بابر اعظم ایک بہت اچھے کھلاڑی ہیں اور ان کی اپنی عزت نفس ہے، ایک مسلمان ہونے کے ناطے ان سے اچھے سے ملیں ، کنگ وغیرہ گراؤنڈ میں ہی اچھا لگتا ہے ہر جگہ نہیں اچھا لگتا۔
محمد عامر کی یہ ویڈیو کلپ وائرل ہوئی تو ایک صارف نے ان کو تنقید کا نشانہ بناتے ہوئے لکھا جو شخص ساری عمر کوہلی کو کنگ کہتا رہا ہے وہ اپنے ملک کے کھلاڑی کے بارے میں کہ رہا ہے کہ کنگ ونگ کچھ نہیں ہوتا۔
Babar Azam se Bahir ajao, king wing kuch nai hota: Mohammad Amir
– Sari zindagi Kohli ko king keh keh ke aj apna player aya to kuch nai hota😂🤦♂️.#CWC23 #BehindYouBabarAzam pic.twitter.com/1YOjTf3eW0
— Shaharyar Ejaz 🏏 (@SharyOfficial) November 13, 2023
ایک اور صارف نے تبصرہ کرتے ہوئے لکھا کہ اس بات سے اندازہ ہوتا ہے کہ محمد عامر کا جیلیسی لیول ہی الگ ہے۔ یہی وجہ ہے کہ اب یہ اسٹار نہیں رہا۔
Just check the jealousy level, that’s the reason u r nomore star @iamamirofficial
— Cricket Kay Shauqeen (@CShauqeen) November 14, 2023
واضح رہے کہ اسی شو میں محمد عامر نے کہا کہ سسٹم ٹھیک ہے کپتان کا مائنڈ سیٹ تبدیل ہونا چاہیے جس پر صارفین کا کہنا تھا کہ انہوں نے پہلے خود کہا تھا کہ سسٹم ٹھیک نہیں ہے اور میں سسٹم میں نہیں کھیل سکتا جبکہ اب یہ اپنی بات سے ہی مکر رہے ہیں۔
