سماجی رابطے کی ویب سائٹ پر ایک ویڈیو وائرل ہو رہی ہے جس کے بارے میں دعویٰ کیا جا رہا ہے کہ امریکا میں صدر جو بائیڈن کے شاہراہ سے گزرنے والے قافلے کے دوران ایک خاتون کو اسرائیلی افواج کے ہاتھوں فلسطینی بچوں کے قتل عام کے خلاف احتجاج کرتے ہوئے پولیس نے گرفتار کر لیا ہے۔
سماجی رابطے کی ویب سائٹ ’ایکس‘ پر وائر ہونے والی اس ویڈیو میں دکھا جا سکتا ہے کہ امریکا کی پولیس ایک ایسی خاتون کو گرفتار کرتے ہوئے زمین پر گرا کر لاتوں اور مکوں سے تشدد کا نشانہ بھی بنا رہی ہے،جس کے ہاتھ میں مائیک ہے اور وہ بائیکاٹ، بائیکاٹ کا اعلان کر رہی ہے اور اسرائیل کے خلاف نعرے لگا رہی ہے، جب کہ سڑک کے کنارے کچھ لوگ اسرائیلی جھنڈے لیے کھڑے ہیں۔
سماجی رابطے کی ویب سائٹ پر وائر اس ویڈیو کے بارے میں بعض صارفین کا دعویٰ ہے کہ اس ویڈیو کا فلسطین اسرائیل تنازعے سے کوئی تعلق نہیں، یہ ویڈیو 2022 کی ہے جب جو بائیڈن کے قافلے کے گزرنے کے دوران اس خاتون کو احتجاج کرتے ہوئے گرفتار کیا گیا۔
A video of a woman being detained by security men while protesting with a loudspeaker on the way of US President Joe Biden's convoy is being linked to the Israel-Hamas war. The incident is from 2022. It is not related to the ongoing conflict | @oishanib_https://t.co/cgjYSD1Vfv
— Alt News (@AltNews) November 23, 2023
ادھر ویڈیو میں دیکھا جا سکتا ہے کہ خاتون کو اس وقت گرفتار کیا جا رہا ہے جب وہ مین شاہراہ پر سے گزرنے والے امریکی صدر جو بائیڈن کے قافلے کے سامنے اچانک آ گئی اور ہینڈ مائیک میں اعلان کرنے لگتی ہے کہ فلسطین میں بچوں کا قتل عام بند کیا جائے، قافلے کا بائیکاٹ کیا جائے۔
ویڈیو میں خاتون کو سنا جا سکتا ہے جو کہہ رہی ہے کہ فلسطین میں ظلم کرنے والوں کا بائیکاٹ کیا جائے۔ اسی اعلان کے دوران ایک پولیس آفیسر دوڑتا ہوا آتا ہے اور خاتون کو زمین پر گرا دیتا ہے۔
پولیس آفیسر کو ویڈیو میں خاتون پر تشدد کرتے ہوئے بھی دکھایا گیا ہے، جو خاتون کو دبوچ کر زمین پر گرا دیتا ہے اور پھر اس کے چہرے پر تھپڑ اور مکے رسید کر رہا ہے، جب کہ خاتون اپنا احتجاج جاری رکھے ہوئے ہے اور ایک اور پولیس آفیسر اسے ہتھکڑی پہنا رہا ہے۔
سماجی رابطے کی ویب سائٹ پر صارفین اس ویڈیو کو مختلف کیپشنز کے ساتھ شیئر کر رہے ہیں اور لکھ رہے ہیں کہ انسانی حقوق کا چیمپیئن ہونے کا دعویدار امریکا یہ ہے۔
عورتوں کے حقوق کے سب سے بڑے چیمپئن جو بائیڈن کے قافلے کے سامنے جب اس بہادر خاتون نے غزہ کے بچوں کا غم سنانے کی کوشش کی تو پولیس اہلکار بھوکے بھیڑیوں کیطرح اس پہ جھپٹ پڑے اور زمین پہ لٹا کر لاتوں مکوں کا نشانہ بنایا pic.twitter.com/dB0w0WMdf1
— Faizullah Khan فیض (@FaizullahSwati) November 24, 2023
سماجی رابطے کی ویب سائٹ ایکس پر ویڈیو شیئر کرتے ہوئے ایک صارف نے لکھا کہ ’ عورتوں کے حقوق کے سب سے بڑے چیمپیئن جو بائیڈن کے قافلے کے سامنے جب اس بہادر خاتون نے غزہ کے بچوں کا غم سنانے کی کوشش کی تو پولیس اہلکار بھوکے بھیڑیوں کی طرح اس پر جھپٹ پڑے اور زمین پہ لٹا کر لاتوں مکوں کا نشانہ بنایا۔
شاهد سيدة امريكية تعترض موكب ألرئيس الاميركي جو بايدن والشرطة تطرحها ارضاً.
تحية وتقدير لكل هؤلاء الإبطال الذين يكافحون بقوة من أجل فلسطين 🇵🇸 ومن أجل #غزة #IsraelIsATerrorist #FreePalestine— هنا عدن huna aden (@HUNAADEN1) November 19, 2023
ایک اور صارف نے عربی میں لکھا کہ دیکھیں ایک امریکی خاتون نے امریکی صدر جو بائیڈن کے قافلے کو روکا اور پولیس نے اسے زمین پر پٹخ دیا۔ سلام اور خراج تحسین ان تمام ہیروز کو جو فلسطین اور غزہ کے لیے سخت جدوجہد کرتے ہیں اور آواز بلند کرتے ہیں۔
