چیئرمین پی ٹی آئی اور بشریٰ بی بی کے عدت کے دوران نکاح کیس میں اہم پیش رفت۔ بشریٰ بی بی کے سابق شوہر خاور مانیکا نے بشریٰ بی بی اور چیئرمین پی ٹی آئی عمران خان کو سخت سزا کی استدعا کردی۔
بشریٰ بی بی کے سابق شوہر خاور مانیکا نے بشری بی بی اور عمران خان کے خلاف دوران عدت نکاح و ناجائز تعلقات کا کیس دائر کر دیا۔ خاور مانیکا نے اسلام آباد کے سینئر سول جج قدرت اللہ کی عدالت میں پیش ہو کر شکایت درج کرادی۔
درخواست سیکشن 494/34، B-496 و دیگر دفعات کے تحت دائر کی گئی ہے۔ خاور مانیکا نے عدالت میں بیان دیا ہے کہ بشریٰ بی بی اور عمران خان کے درمیان شادی سے پہلے ناجائز تعلقات تھے۔ تصدیق شدہ ناجائز تعلقات کی بنا پر بشریٰ بی بی کو طلاق دینے پر مجبور ہوا۔ دونوں شادی سے پہلے ہی فرار ہوگئے تھے۔
مزید پڑھیں
عدالت نے 3 گواہوں کو نوٹسز جاری کر دیے ہیں۔ گواہوں میں عون چوہدری، مفتی سعید اور خاور مانیکا کا ملازم شامل ہیں۔ عدالت نے سماعت 28 نومبر تک ملتوی کر دی۔
واضح رہے کہ ایک شہری محمد حنیف کی طرف سے دائر غیر شرعی نکاح کیس چند دن قبل واپس لے لیا گیا تھا۔ غیر متعلق ہونے کی بنا پر پہلے والی درخواست واپس ہوئی تھی۔ خاور مانیکا کی جانب سے مدعی بننے پر غیر شرعی نکاح و مبینہ ناجائز تعلقات کا کیس اہمیت اختیار کر گیا ہے۔
