افغان باشندوں کی وطن واپسی کا سلسلہ جاری ہے۔گزشتہ روز 21 سو سے زائد افغان باشندے واپس چلے گئے۔ اب تک 2 لاکھ 53 ہزار سے زائد غیر قانونی مقیم شہری اپنے وطن واپس چلے گئے ہیں۔ ملک بدری سے ملکی معیشت پر مثبت اثرات مرتب ہونے لگے ہیں۔
چمن اور طورخم بارڈر پر روزانہ کی بنیاد پر ہزاروں افغان باشندے اپنے وطن واپس روانہ ہو عرہے ہیں۔ 25 نومبر کو 2127 غیر قانونی افغان باشندے اپنے ملک چلے گئے۔ جن میں سے 539 مرد، 549 خواتین اور 1039 بچے شامل تھے۔ افغانستان روانگی کے لیے 54 گاڑیوں میں 453 خاندانوں کی اپنے وطن واپسی عمل میں لائی گئی ہے۔
مزید پڑھیں
اب تک کل 2 لاکھ 53 ہزار 135 غیر قانونی طور پر رہنے والے افغان باشندوں کی اپنے وطن واپسی ہوچکی ہے۔ پاکستان نے ہمیشہ ایک ذمہ دار اور بہترین ہمسایہ ملک ہونے کا کردار ادا کیا جس کی دنیا میں کوئی مثال نہیں ملتی ہے۔ پاکستان نے جس فراخدلی سے افغان باشندوں کو اپنے ملک میں پناہ دینے کے ساتھ ساتھ روزگار کے سارے مواقع مہیا کیے اس امر کو عالمی سطح پر سراہا گیا۔
افغان باشندوں کی باعزت طریقے سے افغانستان واپسی کے لیے مختلف اضلاع میں تمام سہولیات سے آراستہ ٹرانزٹ کیمپس بھی قائم کیے گئے ہیں۔
