پاکستان تحریک انصاف پارلیمنٹیرین کے چیئرمین پرویز خٹک کا ایک ویڈیو کلپ اس وقت سماجی رابطے کی ویب سائٹ ایکس پر وائرل ہے جہاں وہ صحافیوں سے گفتگو کر رہے ہیں۔
گفتگو کے دوران ایک صحافیوں نے پرویز خٹک سے عام انتخابات کے حوالے سے کی جانے والی تیاریوں کے متعلق سوال کیے۔ اسی دوران ایک صحافی نے ان سے ان کے اپنے حلقے سے متعلق سوال کیا تو پرویز خٹک غصے میں آگئے۔
ویڈیو کلپ میں دیکھا جا سکتا ہے کہ صحافی نے پرویز خٹک سے سوال کیا کہ میرا تعلق آپ کے حلقے سے ہے آپ بابائے سیاست جانے جاتے تھے لیکن اب آپ کے اپنے حلقے میں لوگ آپ سے ناراض ہیں۔ یہ سننا تھا کہ پرویز خٹک نے صحافی کو کھری کھری سنا دی۔ پرویز خٹک نے جواب میں کہا میرے خیال میں آپ کو غلط فہمی ہوئی ہے، تم سوئے ہوئے ہو،تمہیں پتا نہیں ہے کہ میرے حلقے میں کیا ہورہا ہے۔
پرویز خٹک نے مزید کہا کہ الیکشن آئے گا تو میں بتا دوں گا، زرا پھرو اور پتا کرو ایسے الزام مت لگایا کرو۔ ایسے ہی کچھ بول دوں گا اب۔
صحافی محمد فہیم نے ان کا یہ ویڈیو کلپ شیئر کیا تو صارفین پوچھنے پر مجبور ہوگئے کہ آخر وہ اتنے غصے میں کیوں ہیں؟
سوال:میرا تعلق آپ کے حلقے سے ہے آپ بابائے سیاست جانے جاتے تھے لیکن اب آپ کے اپنے حلقے میں لوگ آپ سے ناراض ہیں
جواب۔۔۔ایسے ہی کچھ بول دوں گا 😉 pic.twitter.com/Qz62JkpAkN
— Muhammad Faheem (@MeFaheem) November 28, 2023
صارفین کا کہنا تھا کہ خیبر پختونخوا میں پاکستان تحریک انصاف کے ورکرز کنونشنز کو دیکھ کر پرویز خٹگ شاید گھبرا گئے ہیں اس لیے صحافیوں کے سوال نظر انداز کرنے کی کوشش کر رہے ہیں۔
